“ИХ ЗАСАГ БА ХУУЛЬ ЗАСАГЛАХУЙ” ЭРДЭМ ШИНЖИЛГЭЭНИЙ ХУРАЛ БОЛЛОО

Их Монгол Улс байгуулагдсаны 820 жилийн ойг тохиолдуулан УИХ-ын даргын ивээл дор “Их Засаг ба Хууль засаглахуй” сэдэвт эрдэм шинжилгээний хурал боллоо.

УИХ-ын Тамгын газар, Парламентын судалгаа, хөгжлийн хүрээлэн болон Хархорум хотын Зөвлөл хамтран зохион байгуулсан тус хуралд УИХ-ын дарга С.Бямбацогт, Монгол Улсын гурав дахь Ерөнхийлөгч Н.Энхбаяр, Их Засаг их сургуулийн ректор Н.Ням-Осор, академич С.Нарангэрэл, Төрийн шагналт, гавьяат хуульч Д.Лүндээжанцан, ШУА-ийн дэд ерөнхийлөгч, академич Ц.Цэрэндорж нар оролцож, илтгэл хэлэлцүүлжээ.

Хурлаар Их засаг хуулийн үүсэл, эх сурвалж, Монголын эзэнт гүрний эрх зүйн тогтолцоо, хууль засаглах ёсны түүхэн уламжлал болон өнөөгийн нийгэмд үзүүлэх ач холбогдлыг хэлэлцсэн байна.