Эмэгтэй хүн бүрт байх ёстой гутлууд

Эмэгтэй хүн бүрийн шүүгээнд 10 төрлийн гутал байх ёстой гэнэ ээ. Ямар ч үед өмсөхөд тохиромжтойгоос гадна, эмэгтэйлэг дэгжин төрхийг бүрдүүлэх гуталнууд багтсан байна. Харин танд эдгээрээс аль нь байгаа вэ? 

1. Балерина шаахай 

Намхан ултай, хөлд эвтэйхнээс гадна ямар ч төрлийн хувцсан дээр гайхалтай зохицох хамелон чадвартай. Даашинз, юбка, өмд, шорт гээд л... Тэр ч бүү хэл биеийн тамирын өмдөн дээр ч эвтэйхэн зохицуулаад өмсчихөж болно. Бас өндөр өсгийт өмссөн үедээ цүнхэндээ хийгээд явчихаж болно шүү дээ.

2. Классик өндөр өсгийт 

Шөвгөр хоншоортой, өндөр өсгийт нь оффис загварын хувцаслалтыг чимэхээс гадна бүсгүй таныг эмэгтэйлэг, дахин давтагдашгүй дэгжин харагдуулдаг. 

3. Кет, пүүз 

Пүүз болон кетийг ямар ч үед өмсөөд гарж болно. Заавал спортоор хичээллэх гэж байгаа юм шиг хувцаслахдаа өмсдөг хэмээн эндүүрэх хэрэггүй. Сүүлийн үед кетийг пальто, богино юбка, савхин өмд зэрэгтэй хослуулан өмсдөг болсон. Ингэснээр таныг залуу төрхтэй, бас илүү цоглог харагдуулна. 

4. Түрийтэй гутал 

Хавар намрын түрийтэй гутал нь хөлд эвтэйхнээс гадна жийнсэн өмд, бариу даашинз, болон хар өмдөн дээр өмсөхөд нэн тохиромжтой байдаг. 

5. Шагайгаар татсан түрийтэй гутал 

Завсрын өнгөтэй богино түрийтэй гутал нь ямар ч хувцсан дээр гайхалтай зохицдогоороо давуу талтай. Таны шүүгээнд заавал байх гутлуудын нэг шүү 

6. Индүүн ултай сандал 

Зуны улиралд богино шортон дээр зохицуулан өмсөхөд таныг маш дэгжин харагдуулдаг. Өндөр өсгийтэй ч гэсэн хөлд маш эвтэйхэн байдаг. Өсгийтэй гутал өмсөж сурах гэж байгаа бол ийм гутлаар эхлүүлэхийг зөвлөж байна. 

7. Өсгийтэй сандал 

Индүүн ултай гутлаас илүү сонгодог загвартай бөгөөд хөлд мөн л эвтэйхэн байдаг. 

8. Намхан сандал 

Зуны улиралд бүсгүйчүүдийн өмсөх байнгын гутал билээ. Тод өнгөтэй сандал илүү чамин байхаас гадна таны хөлийг зөв хэлбэртэй харагдуулдаг. 

9. Биений өнгөтэй өсгийт 

Сүүлийн үеийн хамгийн сонгодог трэнд бол биений буюу бейж өнгөтэй өсгийт нь эмэгтэйлэг төрхийг төгс бүрдүүлдэг. Хүлээн авалт, болзоо, гадуур гарахад хамгийн сайн сонголт байх болно. 

10. Оксфорд гутал 

Эрэгтэй загвараас сэдэвлэсэн ийм гутал хөлд маш эвтэйхэн хэрнээ мөн л эмэгтэйлэг төрхийг тодотгож өгдөг байна. Ажил хэрэгч болон чөлөөт стилийн хувцаслалтанд гайхалтай зохицох энэхүү гутлыг өвлийн улирлаас бусад үед өмсөхөд тохиромжтой.