Ж.ЧИНБҮРЭН: ”БИ МӨНГӨГҮЙ БОЛЧИХЛОО, ЭРХТЭНЭЭ ӨГЬЕ” ГЭЖ СОШИАЛД БИЧСЭН ХЭРЭГ ГАРСАН А.ГАНБААТАР: АМЬД ДОНОРЫГ ГЭМТЭЭХ, ХОХИРООХ ХУДАЛДАА НАЙМААНЫ ЗОРИЛГООР ЭД ЭРХТЭНИЙГ НЬ АВБАЛ ЯАХ ВЭ? Л.ГАНТӨМӨР: “АН ГЭРЭЭГЭЭ ЗӨРЧЛӨӨ ГЭДЭГ ГҮТГЭЛГЭЭ ЗОГСОО” ГЭЖ МАН-ААС ШААРДАЖ БАЙНА Нисэх хүчин үүсэж хөгжсөний 100 жилийн ойг тохиолдуулан Гавьяат нисгэгч Р.Бат-Эрдэнэд Хөдөлмөрийн баатар цол хүртээлээ Австралийн Холбооны Улсын Элчин сайд Итгэмжлэх жуух бичгээ өргөн барив

Манай улсын ачаа тээврийг "дааж" явсан ГАЗ-53,ЗИЛ-130

2014 оны 3 сарын 21
2

ЗХУ (ОХУ)-ын хамгийн их үйлдвэрлэсэн ачааны машин бол ГАЗ-53, ЗИЛ-130 хоёр юм.

ГАЗ-53 машиныг 1964-1993 он хүртэл 30-аад жилд нийт 4 сая гаруйг үйлдвэрлэсэн гэсэн статистик байдаг бол ЗИЛ-130 машиныг 1962-1994 онуудад гэхэд 3.4 сая тоогоор үйлдвэрлэсэн байдаг байна.

Манай улсад энэ хоёр машин их хэмжээгээр импортлогдон ирж БНМАУ-ын ачаа тээврийг нугалж байсан гэдгийг хүн бүр мэдэх билээ. одоо ч үүргээ гүйцэтгэж байна.

Энэ хоёр алдартай машиныг түүхийг товч танилцуулбал,

ГАЗ-53

ГАЗ-53 ачааны автомашин нь ЗХУ-ын ГАЗ /Горькийн нэрэмжит автозавод/ үйлдвэрт ГАЗ-51 болон 52 загварыг сайжруулан 1964-1993 онуудад үйлдвэрлэсэн ачааны автомашин. Болгарт “Мадара-400” нэртэйгээр 1967 оноос лицензээр үйлдвэлрэж байжээ.

ГАЗ-53 машинын үндсэн үзүүлэлт нь Урт 6,395мм, өргөн 2,020мм, өндөр 2,220мм, жин 3,850 кг , 4.3л-ийн багтаамжтай 4254 сс, V8 хөдөлгүүртэй, 4 шатлал бүхий механик хурдны хайрцагтай, 90 км/цаг хурдлах чадвартай. Даац 4 тн. 100-120 морины хүчтэй. Загвар зориулалтаасаа хамаарч үзүүлэлтүүд нь хэлбэлздэг.

ГАЗ-53 автомашин нь зориулалт, хүчин чадал, багтаамж, даац, шатахууны төрөл, зэргээсээ шалтгаалан ГАЗ-53 (1964 - 1965) ,ГАЗ-53А (1965 - 1983), ГАЗ-53А-016 (1966 - 1983), ГАЗ-53Б-02, ГАЗ-53-05, ГАЗ-53-40 (1971 - 1984), ГАЗ-53-50, ГАЗ-53-70, ГАЗ-53-12 (1983 - 1993), ГАЗ-53-14, ГАЗ-53-19 (1984 - 1992), ГАЗ-53-27 (1984 - 1992) гэсэн үндсэн 10 гаруй загвартай үйлдвэрлэгдсэн байдаг байна.

Социалист ситемийн болон бусад улсуудад маш ихээр экспортод гаргаж байжээ.

ЗИЛ-130

1916 оноос эхтэй Лихачёвийн нэрэмжит заводын / Завода им. Лихачёва/ хамгийн удаан хугацааны (30 гарауй жил) туршид хамгийн их тоогоор үйлдвэрлэгдсэн машин нь энэхүү ЗИЛ-130 ачааны автомашин юм.

ЗИЛ үйлдвэр нь одоогоор тансаг зэрэглэлийн суудлын автомашин, ачааны автомашин, туулах чадвар сайтай автомашин, цэргийн техник гэсэн үндсэн чиглэлээр ажилладаг.

1934 оноос үйлдвэрлэгдсэн ЗИС-5 нэртэй ачааны автомашин хөгжин сайжирсаар 1962-1994 онуудад ЗИЛ-130 машин болон үйлдвэрлэгдсэн. Дараа нь ЗИЛ-4331 загвараар солигдсон.

ЗИЛ-130 автомагиныг ЗИЛ-130-58, ЗИЛ-130-62, ЗИЛ-130-66 (1966-1977), ЗИЛ-130-76 (1977-1984), ЗИЛ-130-80 (1984-1986) онуудад шинэчлэгдэн сайжруулсаар ирсэн байна.

ЗИЛ-130 үндсэн үзүүлэлт нь: Урт 6,675мм, өргөн 2,500мм, өндөр 2,400мм, жин 4,300 кг, даац 6000 кг. 5.2 л-ийн багтаамжтай 5966 куб.см багтаамжтай V8 хөдөлгүүртэй. 135-150 морины хүчтэй, 100 км-т 32 л А-76 шатахуун зарцуулна. 90 км/цаг хурдлах чадвартай ч дээд хурд нь 100 км/цаг хүрэх бололцоотой гэнэ.

ЗИЛ-130 автомашин нь зориулалт, хүчин чадал, багтаамж, даац, шатахууны төрөл, зэргээсээ шалтгаалан ЗИЛ-130А ,ЗИЛ-130Г, ЗИЛ-130В, ЗИЛ-130ВТ, ЗИЛ-130Д, ЗИЛ-130Б гэсэн үндсэн загвар тэндээс үндэслэгдсэн 70 гаруй загвартай үйлдвэрлэгдсэн байдаг байна.

ЗИЛ-130 загвар дээр үндэслээд урдаа мосттой загварыг ЗИЛ-131, гузовыг нь уртасган даацыг нь нэмэгдүүлэн хойноо 8 дугуйтай /2*8/ загвараа ЗИЛ-133 хэмээн нэрлэн гаргах болсон.

Харин 1987 онос ЗИЛ-130 болон ЗИЛ-131 загварыг “Урал моторс автозавод” /АМУР/ үйлдвэрт шилжүүлэн үйлдвэрлэж эхэлсэн бөгөөд 2002 оноос нэрийг өөрчилөн “Амур -531 350”, “Амур-531 340” болгосон байна.

ЗИЛ-ийн үйлдвэр ЗИЛ-130, ЗИЛ-131 загвараа өөрчлөн дараагийн үе болох шинэ загвар ЗИЛ-4331, ЗИЛ-4334

ГАЗ-53