“УЛААНБААТАР ТРАМВАЙ” ТӨСӨЛ ХОЁР ЧИГЛЭЛД ХЭРЭГЖИНЭ ЭНХТАЙВАНЫ ӨРГӨН ЧӨЛӨӨНИЙ АЧААЛЛЫГ БАГАСГАХ “ШИНЭ ТОЙРОГ ЗАМ” ТӨСЛИЙГ НЭГ, ХОЁРДУГААР ТОЙРОГ ЗАМТАЙ БАЙХААР ТӨЛӨВЛӨЖЭЭ ЕРӨНХИЙ САЙД Г.ЗАНДАНШАТАР ӨНӨӨДӨР ЦАГ УУР, ОРЧНЫ ШИНЖИЛГЭЭНИЙ ГАЗАРТ АЖИЛЛАЛАА ТАНИЛЫН БАРАА, ОНЦГОЙ ШУГАМ ГЭХ АВЛИГА, АРЫН ХААЛГАНЫ ҮЙЛДЛҮҮДЭЭ ТАСЛАН ЗОГСООХЫГ ЕРӨНХИЙ САЙД ХАТУУ АНХААРУУЛЛАА “ЖАВХЛАНТ”, “ШИВЭЭ ТОЛГОЙ” АШИГЛАЛТЫН ТУСГАЙ ЗӨВШӨӨРЛИЙН АСУУДЛААРХ НОТЛОХ БАРИМТУУДЫГ ШИНЖЛЭН СУДАЛЖ БАЙНА

ЕРӨНХИЙ САЙД Г.ЗАНДАНШАТАР ӨНӨӨДӨР ЦАГ УУР, ОРЧНЫ ШИНЖИЛГЭЭНИЙ ГАЗАРТ АЖИЛЛАЛАА

Өнөөдөр 18 цаг 37 минут
0

Цаг уур, орчны шинжилгээний газар энэ онд шинэ супер комьпютер HPC-г суурилуулжээ. Тус супер компьютер нь 2011 онд суурилуулсан супер төхөөрөмжөөс тооцоолох хурд 16, процессорын тоо 4, хадгалах төхөөрөмжийн багтаамж 20 дахин тус тус нэмэгдсэн байна. Ингэснээр манай улс цаг агаарын урьдчилан сэргийлэх мэдээг 5 хоногийн өмнө гаргадаг байсныг 10 хоног, газар зүйн нарийвчлалын хувьд таван километр тутамд байсныг 1,5 км болгож илүү нарийвчлалтай болгожээ.

Мөн үерийн эрсдэлийг 5-10 хоногийн өмнө тооцоолох боломж бүрдсэн байна. Улмаар 20, 50, 100-н жилийн цаг уурын нөхцөл байдлыг таамаглан гаргах боломжтой болжээ.

Монгол улсын Ерөнхий сайд Занданшатар энэ амралтын өдөр Цаг уур, орчны шинжилгээний газарт ажиллалаа.

Ерөнхий сайд Занданшатар Цаг уур, орчны шинжилгээний салбарт нэвтэрч буй өндөр технологийн төхөөрөмж, программ хангамж дээр ажиллах нарийн мэргэжлийн, мэдээллийн технологийн чиглэлийн албан хаагчдын ур чадварын нэмэгдэл, цалин нийгмийн баталгааг хангах асуудлаар санал бэлтгэж, Засгийн газрын хуралдаанд танилцуулах,

Хиймэл оюун ухаан, хиймэл дагуулын мэдээлэл, радарын технологийн хослолыг үйл ажиллагаандаа илүү өргөн хүрээнд нэвтрүүлж, ажиглалтыг автомат станц бүхий сүлжээг өргөтгөхөд шаардлагатай санхүүжилтийн саналыг танилцуулах, цаг агаарын урьдчилсан мэдээг зорилтот бүлэгт түргэн шуурхай хүргэх арга замуудыг нэмэгдүүлэх,

ЦУОШГ-ын ажилтнууд Төрийн үйлчилгээний шатлалаар цалинждаг байдлыг өөрчлөх санал боловсруулж Засгийн газарт танилцуулахыг Байгаль орчин, уур амьсгалын өөрчлөлтийн сайд Б.Батбаатарт даалгалаа.

10 хоног тутамд хийдэг хээрийн цасны хэмжилтийн мэдээгээр 11-р сарын 30-ны байдлаар нийт нутгийн 75 хувьд цасан бүрхүүл тогтсон байна.

Увс аймгийн Малчин, Түргэн, Хяргас, Цагаанхайрхан, Хөвсгөл аймгийн Алаг-Эрдэнэ, Завхан аймгийн Баянтэс, Цэцэн-Уул, Цагаанхайрхан, Баянхайрхан, Цагаанчулуут, Булган аймгийн Рашаант, Баяннуур, Хангал, Гурванбулаг, Өвөрхангай аймгийн Гучин-Ус, Сант, Сэлэнгэ аймгийн Ерөө, Орхонтуул,Түшиг, Дархан-Уул аймгийн Шарын голд 20 см-ээс дээш цасан бүрхүүл тогтсон байна.