ТҮМЭН МОРЬТНЫ ИХ ЖАГСААЛ”-Д ОРОЛЦОХ САЙН ДУРЫН МОРЬ СОНИРХОГЧДЫГ БҮРТГЭЖ БАЙНА

Монгол Улсын Ерөнхийлөгчийн санаачилгаар Үндэсний их баяр наадмын өдрүүдэд дэлхийн 55 улс “Дэлхийн адууны өдөр”-ийг өөр өөрийн соёл, уламжлалын дагуу нэгэн зэрэг тэмдэглэн өнгөрүүлэх гэж байна.

Энэхүү үйл ажиллагааны нээлт Монгол улсад долоодугаар сарын 13-ны өдөр Хүй долоо худагт болох бөгөөд нээлтийн гол арга хэмжээ болох “Түмэн морьтны их жагсаал”-д сайн дураараа оролцох морь сонирхогч, уяачдын бүртгэл явагдаж байна.

“Дэлхийн адууны өдөр”-ийн хүрээнд гадаадын 50 гаруй орны зочид, төлөөлөгчид оролцох гэнэ. 

“Дэлхийн адууны өдөр”-ийн хөтөлбөр:

*10 мянган морьдын парад, их жагсаал

*Хүчит бөхийн барилдаан

*Сонгомол болон бага нас, жороо морины уралдаан

* 500 адуу хурааж, морьтой болон явган уургалах, бугуйлдах “Адуучин” тэмцээн

* Морьт харваа болон морин циркийн тусгай үзүүлбэрүүд зэрэг багтсан.