ХААХ
ЦАГ АГААРЫН 10 ХОНОГИЙН УРЬДЧИЛСАН ТӨЛӨВ БАЙДАЛ
НАЛАЙХ, ЭМЭЭЛТИЙН ПОСТЫГ 2027 ОНД ШИЛЖҮҮЛНЭ
ХХБ-НЫ ЦАХИМ БАНКНЫ TDB ONLINE АППЛИКЕЙШН ШИНЭЧЛЭГДЭЖ, TDB АПП НЭРТЭЙ БОЛЖЭЭ
УИХ ДАХЬ АН-ЫН БҮЛГИЙН АЖЛЫН АЛБАНЫ ДАРГААР Б.ТӨРМӨНХИЙГ ТОМИЛЖЭЭ
“ШИНЭ ХОВД” ҮЙЛДВЭРЛЭЛ, ТЕХНОЛОГИЙН ПАРКТ 100 ГАРУЙ АЖ АХУЙН НЭГЖ ҮЙЛДВЭР БАЙГУУЛАХ ХҮСЭЛТ ИРҮҮЛЖЭЭ
НАЛАЙХ, ЭМЭЭЛТИЙН ПОСТЫГ 2027 ОНД ШИЛЖҮҮЛНЭ
- schedule 51 минутын өмнө
- chat_bubble 0
Багахангай–Хөшигийн хөндий–Эмээлт чиглэлийн 127.1 километр төмөр замыг энэ сарын 11-нд ашиглалтад орсноор Улаанбаатар хотын төвөөр дамжин өнгөрдөг ачаа тээврийн урсгалыг тойруулан нэвтрүүлэх, тэр дундаа аюултай ачаа тээвэрлэлтийг нийслэлийн төвөөс гаргах стратегийн ач холбогдолтой бүтээн байгуулалт юм.
Шинэ төмөр зам ашиглалтад орсноор нийслэлээр дамжин өнгөрөх аюултай ачаа тээврийн урсгалыг өөрчилж, хотын замын хөдөлгөөний ачаалал болон иргэдийн аюулгүй байдалд эерэг нөлөө үзүүлэхээр байна.
Үүнтэй холбогдуулан Улаанбаатар хотын Налайх болон Эмээлтийн постыг 2027 онд нүүлгэн шилжүүлэхээр төлөвлөжээ. Тодруулбал, Налайхын постыг Төв аймгийн Цонжинболдог орчимд, Эмээлтийн постыг Төв аймгийн Аргалант сумын чиглэлд шилжүүлэхээр болсон байна.
Мөн хуучин Эмээлтийн постын байршилд байгуулсан нүхэн гарцыг есдүгээр сарын 15-нд ашиглалтад оруулжээ.
Нийслэлийн Засаг дарга бөгөөд Улаанбаатар хотын захирагч Б.Пүрэвдагвын мэдээлснээр, эдгээр постыг шилжүүлснээр иргэд нийслэлийн дотор зорчихдоо постоор нэвтрэх бүрд төлдөг 5,000 төгрөгийн төлбөрөөс чөлөөлөгдөх юм.
Ийнхүү шинэ төмөр замын бүтээн байгуулалт нь зөвхөн ачаа тээврийн урсгалыг өөрчлөхөөс гадна нийслэлийн замын хөдөлгөөн, иргэдийн зорчих нөхцөлийг сайжруулахад чиглэж байна.
0
хуваалцсан
Санал болгох
Сонин хачин
Уншиж байна...
Уншиж байна ...
Бүх пост уншигдсан байна...