УРГАЦ ХУРААЛТ ЭХЭЛЛЭЭ ТӨМӨРТЭЙН ОВООНЫ ЦАЙРЫН ОРДЫН ТУСГАЙ ЗӨВШӨӨРЛИЙГ ХУВЬДАА АВСАН ҮЙЛДЛИЙН УЛМААС ТӨРД УЧРУУЛСАН ХОХИРЛЫГ НЭХЭМЖЛЭХЭЭР БОЛОВ ТАРВАГАН ТАХАЛ НЬ ХАЛДВАРЛАЛТ, НАС БАРАЛТ ӨНДӨРТЭЙ ЗООНОЗЫН ХАЛДВАРТ ӨВЧИН “ХАР ЖАГСААЛТ” АЛБАН ЁСООР ХҮЧИНГҮЙ БОЛЖ, ОНООНЫ СИСТЕМ ХЭРЭГЖИЖ ЭХЭЛЛЭЭ D-GOV.MN ЦАХИМ ИРГЭДИЙН САНАЛ, САНААЧИЛГЫГ ЗАСГИЙН ГАЗРЫН ШИЙДВЭРТ ТУСГАХ D-ИСТЕМ НЭВТРҮҮЛЛЭЭ

ОНЦГОЙ БАЙДЛЫН БАЙГУУЛЛАГЫН АЛБА ХААГЧДЫН ОНЦГОЙ НӨХЦӨЛИЙН НЭМЭГДЛИЙГ 40 ХУВЬ БОЛГОН НЭМЭГДҮҮЛЛЭЭ

Өчигдөр 15 цаг 6 минут
0

"Онцгой байдлын байгууллагын алба хаагчид албан ажлын онцгой нөхцөлийн нэмэгдэл олгох журам"-д өөрчлөлт оруулж, "30 хувиар" гэснийг "40 хувиар" гэж өөрчиллөө. Тогтоолыг 2026 оны нэгдүгээр сарын 01-нээс дагаж мөрдөх бөгөөд шаардагдах зардлыг жил бүрийн улсын төсөвт тусгах юм. Сүүлийн жилүүдэд манай улсад тохиолдох гамшиг, аюулт үзэгдэл, ослын тоо, давтамж нэмэгдсэнээр нэг алба хаагчид ногдох ажлын ачаалал эрс өсжээ.

Онцгой байдлын байгууллагын алба хаагчдын цалин хөлс, нийгмийн баталгааг дээшлүүлэх, албандаа итгэх итгэл, тогтвор суурьшилтай ажиллах нөхцөлийг бүрдүүлэх зорилгоор албан ажлын онцгой нөхцөлийн нэмэгдлийг тухайн алба хаагчийн албан тушаалын сарын үндсэн цалингийн 40 хувиар тооцож, сар бүр олгохоор тогтоолд тусгажээ.

Улсын хэмжээнд 2020-2025 оны байдлаар нийт 25095 удаагийн гамшиг, аюулт үзэгдэл, осол тохиолдсоны улмаас 3422 хүний амь нас эрсдэж, 8.2 сая гаруй толгой мал хорогдон, 12286 гэр, орон сууц барилга эвдэрч 30,7 сая га талбай түймэрт өртжээ. Аврах ажиллагаанд нийт 232045 хүн 53092 техниктэйгээр ажиллаж 140 тэрбум төгрөг зарцуулж, гамшиг, ослын улмаас нийт 11 их наяд 271 тэрбум төгрөгийн хохирол учирчээ.

Онцгой байдлын байгууллагын алба хаагчид сүүлийн таван жилд 33.3 мянга гаруй иргэний амь нас, иргэд, аж ахуйн нэгж, байгууллагын 1.4 их наяд төгрөгийн эд хөрөнгийг гамшиг осол, аюулт үзэгдлээс авран хамгаалсан байна.