“ECONOMIC CATALYST” ШАГНАЛЫН ЭЗЭН МОНГОЛБАНКНЫ ЕРӨНХИЙЛӨГЧ Б.ЛХАГВАСҮРЭН “GOOGLE PAY” ТӨЛБӨРИЙН СИСТЕМИЙГ МОНГОЛД АЛБАН ЁСООР НЭВТРҮҮЛЛЭЭ ШАГНАЛ ЭЗНЭЭ ОЛНО ГЭДЭГ ИЙМ САЙХАН “ЧИНГИС ХААН” ОДОНТ, АКАДЕМИЧ С. НАРАНГЭРЭЛД ХУУЛЬ ЗҮЙН САЛБАРЫН БИЕ БҮРЭЛДЭХҮҮН ХҮНДЭТГЭЛ ҮЗҮҮЛЛЭЭ БАРААНЫ ТЭМДЭГ ЭЗЭМШИГЧЭЭС ЗӨВШӨӨРӨЛ АВАЛГҮЙ БАРААНЫ ТЭМДГИЙГ АШИГЛАСАН МАРГААНЫГ ШИЙДВЭРЛЭЖЭЭ

ТӨРИЙН АЛБАН ХААГЧИЙН НЭГ УДААГИЙН БУЦАЛТГҮЙ ТУСЛАМЖИЙГ ХУУЛЬ ЁСНЫ ӨВЛӨГЧИД НЬ ОЛГОНО

2025 оны 11 сарын 24
0

Засгийн газрын ээлжит хуралдаан 2025 оны арваннэгдүгээр сарын 24-нд болж дараах асуудлуудыг хэлэлцэн шийдвэрлэлээ.

"Төрийн албан хаагчид өндөр насны тэтгэвэрт гарахад нэг удаагийн буцалтгүй тусламж олгох журам"-д нэмэлт оруулж, нэг удаагийн буцалтгүй тусламж авах эрх бүхий төрийн албан хаагч нас барсан тохиолдолд хууль ёсны өвлөгчид тусламжийг олгохоор боллоо.

“Төрийн албан хаагчид өндөр насны тэтгэвэрт гарахад нэг удаагийн буцалтгүй тусламж олгох журам”-д зааснаар төрийн улс төрийн албан хаагчаас бусад төрийн албан хаагч Төрийн албаны тухай хуулиар төрийн албанаас чөлөөлөгдсөн бол нэг удаагийн буцалтгүй тусламж олгохоор зохицуулсан.

Төрийн албан хаагч дээрх хуульд заасан үндэслэлээр төрийн албанаас чөлөөлөгдсөн боловч нэг удаагийн буцалтгүй тусламжаа авч чадаагүй нас барсан тохиолдолд тусламжийг түүний ар гэрт олгох асуудал зохицуулалтгүй байжээ.

Төрийн албан хаагч нас барсан бол түүнд олгох байсан нэг удаагийн буцалтгүй тусламжийг түүний хууль ёсны өвлөгч Иргэний хуульд зааснаар өвлөх эрхтэй байна. Иймд хуульд заасан шаардлага, хугацааг бүрэн хангаж, өндөр насны тэтгэвэр тогтоолгох үндэслэлээр ажлаас чөлөөлөгдсөн улс төрийн албан хаагчаас бусад төрийн албан хаагч нас барсан бол түүний хууль ёсны өвлөгчид нэг удаагийн буцалтгүй тусламжийг олгох зохицуулалтыг Засгийн газрын хуралдаанаар шийдвэрлэлээ.