ӨРХИЙН ЭРҮҮЛ МЭНДИЙН ТӨВҮҮД АЖЛЫН ӨДӨР 20:00 ЦАГ ХҮРТЭЛ, МӨН АМРАЛТЫН ӨДРҮҮДЭЭР УРТАСГАСАН ЦАГААР АЖИЛЛАХ БОЛЛОО Г.ЗАНДАНШАТАР: ХАМГИЙН ЧУХАЛ НЬ ИРГЭДИЙГ БУХИМДУУЛАХГҮЙ, ЗӨВ ЗОХИОН БАЙГУУЛАЛТ ХИЙЖ, ЭМНЭЛГИЙН АЧААЛЛЫГ ЯАРАЛТАЙ БУУРУУЛАХ ХЭРЭГТЭЙ ТӨРИЙН АЛБАН ХААГЧИЙН НЭГ УДААГИЙН БУЦАЛТГҮЙ ТУСЛАМЖИЙГ ХУУЛЬ ЁСНЫ ӨВЛӨГЧИД НЬ ОЛГОНО ЗАМ, ТЭЭВРИЙН САЙДЫН ШУУРХАЙ ХУРАЛДААН БОЛЛОО СУРАГЧДЫН АМРАЛТ АРВАНХОЁРДУГААР САРЫН 15-НААС ЭХЭЛНЭ

ТӨРИЙН АЛБАН ХААГЧИЙН НЭГ УДААГИЙН БУЦАЛТГҮЙ ТУСЛАМЖИЙГ ХУУЛЬ ЁСНЫ ӨВЛӨГЧИД НЬ ОЛГОНО

Өчигдөр 18 цаг 30 минут
0

Засгийн газрын ээлжит хуралдаан 2025 оны арваннэгдүгээр сарын 24-нд болж дараах асуудлуудыг хэлэлцэн шийдвэрлэлээ.

"Төрийн албан хаагчид өндөр насны тэтгэвэрт гарахад нэг удаагийн буцалтгүй тусламж олгох журам"-д нэмэлт оруулж, нэг удаагийн буцалтгүй тусламж авах эрх бүхий төрийн албан хаагч нас барсан тохиолдолд хууль ёсны өвлөгчид тусламжийг олгохоор боллоо.

“Төрийн албан хаагчид өндөр насны тэтгэвэрт гарахад нэг удаагийн буцалтгүй тусламж олгох журам”-д зааснаар төрийн улс төрийн албан хаагчаас бусад төрийн албан хаагч Төрийн албаны тухай хуулиар төрийн албанаас чөлөөлөгдсөн бол нэг удаагийн буцалтгүй тусламж олгохоор зохицуулсан.

Төрийн албан хаагч дээрх хуульд заасан үндэслэлээр төрийн албанаас чөлөөлөгдсөн боловч нэг удаагийн буцалтгүй тусламжаа авч чадаагүй нас барсан тохиолдолд тусламжийг түүний ар гэрт олгох асуудал зохицуулалтгүй байжээ.

Төрийн албан хаагч нас барсан бол түүнд олгох байсан нэг удаагийн буцалтгүй тусламжийг түүний хууль ёсны өвлөгч Иргэний хуульд зааснаар өвлөх эрхтэй байна. Иймд хуульд заасан шаардлага, хугацааг бүрэн хангаж, өндөр насны тэтгэвэр тогтоолгох үндэслэлээр ажлаас чөлөөлөгдсөн улс төрийн албан хаагчаас бусад төрийн албан хаагч нас барсан бол түүний хууль ёсны өвлөгчид нэг удаагийн буцалтгүй тусламжийг олгох зохицуулалтыг Засгийн газрын хуралдаанаар шийдвэрлэлээ.