Нисэх хүчин үүсэж хөгжсөний 100 жилийн ойг тохиолдуулан Гавьяат нисгэгч Р.Бат-Эрдэнэд Хөдөлмөрийн баатар цол хүртээлээ Австралийн Холбооны Улсын Элчин сайд Итгэмжлэх жуух бичгээ өргөн барив “ДАШЧОЙЛИН” ХИЙДИЙН БАРУУН ХОЙНО БАЙРЛАХ 3150 АМ МЕТР ГАЗРЫГ 9,3 ТЭРБУМ ТӨГРӨГӨӨР ”ЭХЛЭЛ БРЭНД” ХХК ХУДАЛДАН АВЛАА НИЙСЛЭЛИЙН ХЭМЖЭЭНД 84 БАЙРШИЛД ШИНЭЭР СУРГУУЛЬ БАРИХ ШААРДЛАГАТАЙ ГХЯ-НЫ ЗҮГЭЭС МУ-ЫН ИРГЭД БНСУ-Д ЗОРЧИХ НӨХЦӨЛ БОЛОН ВИЗ МЭДҮҮЛЭХТЭЙ ХОЛБООТОЙ АСУУДЛААР СОЛОНГОСЫН ТАЛД ХАНДЛАА

ХҮННҮ ХОТЫН ИНЖЕНЕРИЙН ДЭД БҮТЭЦ, ШУГАМ СҮЛЖЭЭНИЙ АЖЛУУД 30-70 ГАРУЙ ХУВИЙН ГҮЙЦЭТГЭЛТЭЙ БАЙНА

2025 оны 5 сарын 19
0

Улаанбаатар хотыг хөгжүүлэх 24 мега төслийн хүрээнд Хөшигийн хөндийд 31.5 мянган га талбайд 150 мянган хүний суурьшилтай Хүннү хотыг байгуулна. Уг бүтээн байгуулалтын хүрээнд 127.4 км авто зам, 3000 метр.куб ариутгах татуурга, 12 мянган ам.метр ногоон барилга, цахилгааны хангамж, мэдээлэл холбооны шилэн кабель татах, үерийн хамгаалалтын далан байгуулах, газрын гүний дулааныг нэвтрүүлэх ажлуудыг судлан, үе шаттай хэрэгжүүлж байна. Өнөөдрийн байдлаар инженерийн дэд бүтэц, шугам сүлжээний ажлууд 30-70 гаруй хувийн гүйцэтгэлтэй байгаа юм. Хүннү хотод нийслэлийн төсвөөс 2025 онд авто замын зураг төсөв гаргах, газрын гүний дулааныг судлах, цэвэрлэх байгууламжийн ажилд хөрөнгө оруулсан.

Хүннү хотын суурьшил бий болсноор 80 мянган ажлын байр бий болж, Засгийн газар, яам агентлагуудын цогцолбор, эдийн засгийн чөлөөт бүс, их, дээд сургууль, оюутны хотхон, тээвэр логистикийн нэгдсэн төвийг байгуулна.

Түүнчлэн Монгол Улсын Засгийн газрын 2022 оны 143 дугаар тогтоолоор тус хотын хөгжлийн ерөнхий төлөвлөгөөг баталсан байдаг. Багахангай өртөөнөөс салаалж, Хүннү хот, Шувуун фабрик чиглэлд явах Багахангай-Хүннү хот чиглэлийн салбар төмөр замын бүтээн байгуулалтыг эхлүүлсэн. Мөн Хүннү хотод тээвэр логистикийн нэгдсэн төвийг 1019 га талбайд барихаас 400 га талбайд тээвэр логистикийн бүсийг байгуулахаар төлөвлөсөн гэж НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭСээс мэдээллээ.