Нисэх хүчин үүсэж хөгжсөний 100 жилийн ойг тохиолдуулан Гавьяат нисгэгч Р.Бат-Эрдэнэд Хөдөлмөрийн баатар цол хүртээлээ Австралийн Холбооны Улсын Элчин сайд Итгэмжлэх жуух бичгээ өргөн барив “ДАШЧОЙЛИН” ХИЙДИЙН БАРУУН ХОЙНО БАЙРЛАХ 3150 АМ МЕТР ГАЗРЫГ 9,3 ТЭРБУМ ТӨГРӨГӨӨР ”ЭХЛЭЛ БРЭНД” ХХК ХУДАЛДАН АВЛАА НИЙСЛЭЛИЙН ХЭМЖЭЭНД 84 БАЙРШИЛД ШИНЭЭР СУРГУУЛЬ БАРИХ ШААРДЛАГАТАЙ ГХЯ-НЫ ЗҮГЭЭС МУ-ЫН ИРГЭД БНСУ-Д ЗОРЧИХ НӨХЦӨЛ БОЛОН ВИЗ МЭДҮҮЛЭХТЭЙ ХОЛБООТОЙ АСУУДЛААР СОЛОНГОСЫН ТАЛД ХАНДЛАА

Засгийн газрын тусгай сангийн тухай хуульд нэмэлт оруулах тухай хуулийн төслийг өргөн мэдүүллээ

2016 оны 12 сарын 26
0

Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд П.Сэргэлэн Монгол Улсын Их Хурлын дэд дарга Ц.Нямдоржид Засгийн газрын тусгай сангийн тухай хуульд нэмэлт оруулах тухай хуулийн төслийг өргөн мэдүүллээ. /2016.12.22/ Засгийн газрын тусгай сангийн тухай хуульд жижиг, дунд үйлдвэрийг хөгжүүлэх хөнгөлөлттэй зээл олгох үйл ажиллагаа болон тус сангийн хөрөнгийг захиран зарцуулах эрх нь холбогдох Засгийн газрын гишүүнд байхаар зохицуулсан хэдий ч зээлийг ямар шалгуураар олгох, зээл хүсэгч ямар баримт бичиг бүрдүүлэх, төслийг сонгон шалгаруулахад ямар журам баримтлах зэрэг асуудлыг орхигдуулсан байдаг.

Хуулийн төслөөр Жижиг, дунд үйлдвэрийг хөгжүүлэх сангаас олгох хөнгөлөлттэй зээлийн үйл ажиллагааг зохицуулах журам батлах эрхийг жижиг, дунд үйлдвэрийн асуудал эрхэлсэн Засгийн газрын гишүүнд олгохоор тусгасан байна.

Хууль батлагдсанаар жижиг, дунд үйлдвэрийг хөгжүүлэх сангаас олгох хөнгөлөлттэй зээл олгох журмыг жижиг, дунд үйлдвэрийн асуудал эрхэлсэн Засгийн газрын гишүүн баталснаар зээл хүсэгчдэд тавигдах шаардлага, шалгаруулалтын ажиллагаа, бүрдүүлэх материал зэрэг асуудал тодорхой болох юм.