“Зэрлэг цэцэгсийн хүлэмж” кинонд нийт 90 жүжигчин тогложээ

        Улсын драмын эрдмийн театрын жүжигчин, МУГЖ У.Уранчимэг, МУСТА Д.Ганцэцэг, А.Ганчимэг нар сэтгэл оюунаа нэгтгэн GUG продакшныг байгуулсан бөгөөд өөрсдийн нэрийн эхний үсгээр ийнхүү нэрлэжээ.

        GUG продакшны анхны бүтээл “Зэрлэг цэцэгсийн хүлэмж” уран сайхны кино нь тун удахгүй кино театруудын дэлгэцнээ гарах гэж байна. Энэхүү киногоороо нийгмийн харилцаа өөрчлөгдөж, зах зээлийн эдийн засгийн шилжих явцад хүмүүс бие биенээ хүндэтгэх, хайрлах, хүн ёсны зан үйлээс алгуур холдож байгаа бөгөөд бие биенээ аялдан дагалдах, гадаад үзэмж хөөн амьдрах өнөө үед хүний дотоод сэтгэл, хүн чанар, сэтгэлийн их тэнхээ, хүн хүнээ дээдлэх ариун нандин ёс хэчнээн чухал болохыг өөрсдийн эзэмшсэн мэргэжил, авьяас чадвараа дайчлан харуулахыг зорьсон юм. Энэ киноны зохиолыг МУГЖ У.Уранчимэгт зориулан жүжигчин Д.Ганцэцэг бүтэн жил гаран бичжээ. Энэ гол дүрд дээрх гурван жүжигчнээс гадна ҮДБЭЧ-ын бүжигчин МУСТА М.Бямбаа, жүжигчин Энхтүвшин мөн мэргэжлийн 90 гаруй жүжигчид оролцон тоглосон юм.