МОНГОЛ УЛСЫН ИХ ХУРЛЫН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ ХУУЛИЙН ТӨСЛИЙГ ӨРГӨН МЭДҮҮЛЛЭЭ ШУУД: ”ХУДАЛДАА ХӨГЖЛИЙН БАНКНЫ” ХЭРГИЙН ДАВЖ ЗААЛДАХ ШАТНЫ ШҮҮХ ХУРАЛ БГД-ИЙН ЭРҮҮЛ МЭНДИЙН ТӨВД УМАЙН ХҮЗҮҮНИЙ ХОРТ ХАВДРЫН ВАКЦИН, ЭРТ ИЛРҮҮЛГИЙН АЖИЛ ЭХЭЛЛЭЭ ТӨРИЙН АЛБАНЫ ЕРӨНХИЙ ШАЛГАЛТ ӨНӨӨДӨР ОРОН ДАЯАР НЭГЭН ЗЭРЭГ ЭХЭЛЛЭЭ “ДУЛААНЫ ТАВДУГААР ЦАХИЛГААН СТАНЦ” ТӨСЛИЙН БАРИЛГЫН АЖЛЫГ ДӨРӨВДҮГЭЭР САРЫН 1-НД ЭХЛҮҮЛНЭ

АЖИЛТАНТАЙ ТОХИРОЛЦООГҮЙ БОЛ АЖИЛТНЫГ АЛБАН ТУШААЛ, ЦАЛИН ХӨЛСИЙГ БУУРУУЛЖ СЭЛГЭН АЖИЛЛУУЛАХЫГ ХОРИГЛОНО

2026 оны 2 сарын 3
0

П.Б нь Өмнөговь аймгийн Ханбогд сумын ... уурхайд ил уурхайн хүнд машин механизмын засварын хэлтэст ажиллаж байсан. Гэтэл ажил олгогчоос надад урьдчилан мэдэгдэлгүй Улаанбаатар хот дахь М засварын газарт дизель хөдөлгүүрийн техникчээр сэлгэн ажиллуулахаар болж миний хөдөлмөрийн эрх зүйн байдал, ажиллах нөхцөл, цалин хөлс, нэмэгдэл, зэргийг дордуулж өөр ажлын байранд ажиллуулах болсон. Удаа дараа дуудан айлган сүрдүүлж, тэвчишгүй байдлыг үүсгэсэн. Иймд ажилд эгүүлэн тогтоолгох, ажилгүй байсан хугацааны цалин хөлстэй тэнцэх олговор гаргуулах, нийгмийн болон эрүүл мэндийн даатгалын шимтгэлийг нөхөн төлүүлж, баталгаажилт хийлгэх тухай нэхэмжлэл гарган шүүхэд ханджээ.

Анхан шатны шүүх: хариуцагч байгууллага шийдвэр гаргахдаа ажилтнаас сэлгэн ажиллуулах талаар зөвшөөрөл аваагүй харилцан тохиролцоогүй нь уулзалтын тэмдэглэл, мэйлд хийсэн үзлэгээр тогтоогдож байна гэх агуулгатай дүгнэлтийг хийж нэхэмжлэлийг хангаж ажилд нь эргүүлэн тогтоож, ажилгүй байсан хугацааны цалин 112,6 сая төгрөгийг олгох, нийгмийн болон эрүүл мэндийн даатгалын шимтгэлийг нөхөн төлж бичилт хийлгэхийг даалгаж шийдвэрлэсэн.

Давж заалдах шатны шүүх: нэхэмжлэгч тус байгууллагад ажиллаж байсан, хөдөлмөрийн гэрээ байгуулсан, тушаал гарсан талаар анхан шатны шүүх үндэслэлтэй дүгнэлт хийсэн, харин нотлох баримтыг дүгнэхдээ Иргэний хэрэг шүүхэд хянан шийдвэрлэх тухай хуулийн 40 дүгээр зүйлийн 40.2-т заасан нотлох баримтыг тухайн хэрэгт хамааралтай, ач холбогдолтой, үнэн зөв, эргэлзээгүй талаас нь үнэлнэ гэж заасныг зөрчсөний улмаас үйл баримтыг буруу дүгнэсэн талууд сэлгэн ажиллуулах талаар тохиролцсон гэх агуулгатай дүгнэлтийг хийж шийдвэрийг хүчингүй болгож нэхэмжлэлийг хэрэгсэхгүй болгосон.

Хяналтын шатны шүүх: хэрэгт авагдсан тэмдэглэл, талуудын хүсэл зоргын илэрхийлэл, сэлгэн ажиллуулах тушаал гарснаас хойш нэхэмжлэгч нь хариуцагч байгууллагын албан тушаалтнуудтай харилцаж байсан мэйл эдгээр баримтуудыг харьцуулан дүгнэхэд ажилтныг сэлгэн ажиллахыг зөвшөөрч тохиролцсон гэж үзэх нөхцөл байдал тогтоогдохгүй байна гэх агуулгатай дүгнэлтийг хийж магадлалыг хүчингүй болгож, шийдвэрийг хэвээр үлдээж шийдвэрлэлээ.

УЛСЫН ДЭЭД ШҮҮХИЙН ХЯНАЛТЫН ШАТНЫ 2026 ОНЫ 02 ДУГААР САРЫН 03-НЫ ӨДРИЙН ИРГЭНИЙ ХЭРГИЙН ШҮҮХ ХУРАЛДААН