“ДАКАР РАЛЛИ-2025” УРАЛДААНД П.МӨРӨН ӨРСӨЛДӨНӨ

Авто мото спортын олимп гэгддэг “Дакар ралли-2025” уралдаан Саудын Араб Биша хотод 2025 оны нэгдүгээр сарын 3-17-нд болно.

Уг тэмцээнд манай улсаас П.Мөрөн мотоциклын төрөлд уралдах юм. Тэрээр мото спортын олон улсын хэмжээний А.Пүрэвдоржийн хүү юм. П.Мөрөнгийн тухайд эх орондоо 73, олон улсын 10 уралдаанд оролцохдоо 45 алт, 19 мөнгө, долоон хүрэл медаль хүртэж байжээ. Ийнхүү тэрээр “Дакар ралли”-д уралдах Монголын 13, мотоциклоор уралдах долоо дахь монгол тамирчин болж байна. Дакар уралдаан нь зөвхөн хурдны уралдаан биш, харин тамирчдын тэвчээр, ур чадварыг сорьдог, мөн байгалийн хүнд нөхцөлд тэсвэрлэх чадамжийг шалгадаг онцгой уралдаан билээ.