ӨВЛИЙН ЭЕШ-ЫН ШАЛГУУЛАГЧИД СУУДЛЫН ХУВИАРАА ХЭВЛЭЖ АВАХЫГ ЗӨВЛӨЖ БАЙНА

2024 оны өвлийн "Элсэлтийн шалгалт"-ын шалгуулагчид “суудлын хуваарь”-аа 2024 оны арваннэгдүгээр сарын 25-ны өдрийн 09:00 цагаас хойш eyesh.eec.mn цахим хуудасны “Шалгуулагчийн булан”-аар өөрийн бүртгэлийн дугаар, нууц үгээ ашиглан нэвтэрч хэвлэж аваарай.

Суудлын хуваарь гэдэг нь таны шалгалт өгөх шалгалтын байр, анги танхим, суух суудал, шалгалтын цагийг зааж өгсөн хуудас юм.

2024 оны өвлийн "Монгол хэл бичгийн шалгалт" болон "Элсэлтийн шалгалт"-ын бүртгэл арваннэгдүгээр сарын 10-ны өдөр 18:00 цагт дуусна. Та шалгалтад бүртгүүлэх бол eyesh.eec.mn цахим хаягаар орж бүртгүүлнэ үү. Бүртгэлийн хугацаанд шалгалт өгөх хичээлээ сонгож, төлбөрөө төлснөөр таны бүртгэл баталгаажихыг анхаараарай.