ТАВАН ШАЛГУУР ҮЗҮҮЛЭЛТЭЭР НИЙСЛЭЛД ТЭЭВРИЙН ХЭРЭГСЛИЙН СЕРИ ДУГААР ОЛГОНО

"Замын хөдөлгөөний удирдлагын төв" ОНӨТҮГ-ын Хөдөлгөөн зохицуулалт, хяналтын хэлтсийн дарга Н.Намуу нийслэлд тээврийн хэрэгслийн улсын дугаар ямар зохицуулалтаар олгох талаар мэдээлэл өглөө. Шинээр оруулж ирсэн тээврийн хэрэгслийг улсын бүртгэлд бүртгэхдаа дараах шалгуур тавина.

Үүнд: 

• Үйлдвэрлэснээс хойш 10 жилийн дотор орж ирсэн тээврийн хэрэгсэлд Улаанбаатар хотын дугаар олгоно.
• Экспортолж буй орноосоо техникийн хяналтын үзлэгт орсон бичиг баримт бүрдүүлж ирсэн машиныг бүртгэнэ. 

Зэрэг орж ирсэн тээврийн хэрэгсэл бол: 

• Цахилгаан, устөрөгч болон эдгээрийн хосолмол тэжээлт тээврийн хэрэгслийг бензин, дизель хөдөлгүүрт машины дарааллын өмнө бүртгэнэ.
• Тээврийн хэрэгсэл үйлдвэрлэсэн огноог харгалзан шинэ машиныг дарааллын өмнө бүртгэнэ.  
• Зөв талдаа хүрдтэй тээврийн хэрэгслийг түрүүлж бүртгэнэ гэх мэт шалгуур тавьж байна.