ХААХ
НИЙТИЙН ТЭЭВРИЙН 5 ЧИГЛЭЛД ТҮР ӨӨРЧЛӨЛТ ОРУУЛНА
СОГТУУГААР ТЭЭВРИЙН ХЭРЭГСЭЛ ЖОЛООДСОН ИРГЭНИЙГ СААТУУЛАН ШАЛГАЖ БАЙНА
УЛСЫН ИХ ХУРЛЫН ДАРГА Д.АМАРБАЯСГАЛАН ГОВЬ-АЛТАЙ АЙМГИЙН ТАЙШИР СУМЫН 100 ЖИЛИЙН ОЙН БАЯРТ ОРОЛЦЛОО
УРАН НУГАРААЧИД ХҮРЭЛ ЦОМЫН ЭЗЭН БОЛЛОО
ДОПИНГ ИЛЭРСЭН ГУРВАН БӨХӨД ШИНЖИЛГЭЭНИЙ ХАРИУГ ТАНИУЛСАН БАЙНА
ХОРОГДСОН МАЛЫН СЭГ ЗЭМИЙГ УСТГАХ АЖИЛД ”ЖАЙКА”-ГИЙНХАН ТУСАЛЛАА
- schedule 2024 оны 5 сарын 13
- chat_bubble 0
ЖАЙКА-гийн Монгол дахь төлөөлөгчийн газраас Японы хөгжлийн албан ёсны тусламжийн хүрээнд зудын улмаас хорогдсон малын сэг зэмийг устгах, ариутгах үйл ажиллагаанд шаардлагатай бодис, барааг ОБЕГ-т хүлээлгэн өгчээ.
Энэ үеэр Элчин сайд Игавахара Масарү хэлсэн үгэндээ “Зудын улмаас зүй бусаар хорогдсон малын сэг зэмийг устгах, ариутгах нь яаралтай хийх ёстой ажлын нэг. Орон нутагт ажил гүйцэтгэж байгаа ОБЕГ, Мал эмнэлгийн хүрээлэн болон тухайн орон нутгийн бүх албан хаагч, ард иргэдэд хүндэтгэл илэрхийлэхийн хамт Япон улсаас олгож байгаа энэ удаагийн тусламж та бүхэнд бага ч болов тус болоосой хэмээн хүсэж байна” гэлээ.
Харин ОБЕГ-ын дарга, хошууч генерал Г.Ариунбуян “Сүүлийн 50 жилд тохиолдоогүй цасан бүрхүүл тогтож, ихэнх суманд зудын нөхцөл байдал үүссэн. Үүний улмаас улсын хэмжээнд 7.4 сая толгой мал хоргодсон. Өнөөдрийн байдлаар зүй бусаар хоргодсон малын сэг зэмийн 84 хувийг устгалаа. Энэхүү ажлыг эрчимжүүлэхэд тусламж үзүүлж байгаад талархалтай байна” хэмээн ярьжээ.
Тусламжаар ариутгалын хоёр төрлийн бодис тонн, 250 ширхэг автомакс /автомат шүршигч/, 7000 ширхэг халдвар хамгааллын хувцсыг хүлээлгэн өгсөн бөгөөд орон нутагт хуваарилан олгох юм.
0
хуваалцсан
Санал болгох
Сонин хачин
Уншиж байна...
Уншиж байна ...
Бүх пост уншигдсан байна...