НИЙТИЙН ТЭЭВРИЙН 5 ЧИГЛЭЛД ТҮР ӨӨРЧЛӨЛТ ОРУУЛНА СОГТУУГААР ТЭЭВРИЙН ХЭРЭГСЭЛ ЖОЛООДСОН ИРГЭНИЙГ СААТУУЛАН ШАЛГАЖ БАЙНА УЛСЫН ИХ ХУРЛЫН ДАРГА Д.АМАРБАЯСГАЛАН ГОВЬ-АЛТАЙ АЙМГИЙН ТАЙШИР СУМЫН 100 ЖИЛИЙН ОЙН БАЯРТ ОРОЛЦЛОО УРАН НУГАРААЧИД ХҮРЭЛ ЦОМЫН ЭЗЭН БОЛЛОО ДОПИНГ ИЛЭРСЭН ГУРВАН БӨХӨД ШИНЖИЛГЭЭНИЙ ХАРИУГ ТАНИУЛСАН БАЙНА

МОНГОЛ ТАМИРЧИД МӨСӨНД АВИРАЛТЫН ДАШТ-ЭЭС 9 МЕДАЛЬ ХҮРТСЭН БАЙНА

2024 оны 3 сарын 1
0

Биеийн тамир, спортын улсын хорооны дарга О.Баттулга гуравдугаар сарын 1-нд мөсөнд авиралтын спортоор дэлхийн цомын цуврал тэмцээн болон дэлхийн аварга шалгаруулах тэмцээнээс медаль хүртсэн баг тамирчид, Монголын уулчдын үндэсний холбооны удирдлагуудыг хүлээн авч уулзлаа.

Манай улсын мөсөнд авиралтын тамирчид 2024 оны эхний хоёр сарын байдлаар дэлхийн цомын цуврал тэмцээн, залуучууд, насанд хүрэгчдийн дэлхийн аварга шалгаруулах тэмцээнээс нийт есөн (алт 4, мөнгө 2, хүрэл 3) медаль хүртжээ.

Тодруулбал, Франц улсад болсон залуучуудын ДАШТ-ий хурдны төрөлд Б.Мөнхбаатар алт, А.Зоригтбаатар, Ц.Анар нар хүрэл, БНСУ-д болсон дэлхийн цомын тэмцээнээс Н.Хэрлэн алт, Ч.Мандахбаяр мөнгө, Швейцар улсад болсон дэлхийн цомоос Ч.Мандахбаяр алт, Канад улсад болсон насанд хүрэгчдийн ДАШТ-ээс Н.Хэрлэн мөнгө, Н.Сэлэнгэ хүрэл медаль хүртсэн байна.

Тэднээс онцолбол, Ч.Мандахбаяр дэлхийн цомын цуврал тэмцээний нийлбэр амжилтаар дэлхийн чансааг тэргүүлж, цомын эзэн болсон бол Б.Мөнхбаатар залуучуудын ДАШТ-ий Монголын баг тамирчдын анхны алтан медалийг авчирч, Н.Хэрлэн, Н.Сэлэнгэ нар насанд хүрэгчдийн ДАШТ-ээс медаль хүртсэн анхны монгол тамирчид билээ.

Баг тамирчдыг хүлээн авах арга хэмжээний үеэр БТСУХ-ны дарга О.Баттулга, Бодлого төлөвлөлтийн газрын дарга О.Гэрэл нар зарим тамирчдыг шагнаж урамшуулахад Биеийн тамир, спортын Жуух бичгээр У.Анар, Ж.Амина, А.Зоригтбаатар нарыг, Олон улсын хэмжээний мастер цол тэмдгээр Н.Сэлэнгэ, Б.Мөнхбаатар нарыг шагнасан юм.