МОНГОЛ УЛСЫН ЕРӨНХИЙЛӨГЧ У.ХҮРЭЛСҮХ, ОХУ-ЫН ЕРӨНХИЙЛӨГЧ В.В.ПУТИН НАР АЛБАН ЁСНЫ УУЛЗАЛТ ХИЙЛЭЭ МОНГОЛ УЛСЫН ЕРӨНХИЙ АУДИТОРЫН АЛБАН ТУШААЛД С.МАГНАЙСҮРЭНГ ТОМИЛОВ “УЛААНБААТАР МАРАФОН 2025” ОЛОН УЛСЫН ГҮЙЛТИЙН ТЭМЦЭЭНИЙ МАРШРУТ ЦАХИМ УР ЧАДВАРЫН СУРГАЛТАД 40 ГАРУЙ ЭМЭГТЭЙ ОРОЛЦОЖ БАЙНА ШИЛДЭГ ТАТВАР ТӨЛӨГЧИД ТОДОРСОН БАЙНА

ДЭЛХИЙН ЭМЭГТЭЙЧҮҮДИЙН ЧУУЛГА УУЛЗАЛТ 2024 ОНД БОЛНО

2023 оны 12 сарын 3
0

Арабын Нэгдсэн Эмират Улсын Дубай хотноо Уур амьсгалын өөрчлөлтийн тухай НҮБ-ын суурь конвенцын Талуудын 28 дугаар бага хурал (COP28) болж байна.

Энэ үеэр хөгжиж буй орнуудын бүлгийн дээд түвшний уулзалт зохион байгуулав. Энэ уулзалтад гишүүн орнуудын дээд, өндөр түвшний төлөөлөгчид оролцож, COP28 бага хурлын үеэр баримтлах бүлгийн байр суурь, уур амьсгалын өөрчлөлтийн асуудлаар энэ онд өрнөх яриа хэлэлцээний үеэр анхаарах асуудлуудын талаар санал солилцлоо. Гадаад харилцааны сайн Б.Батцэцэг энэ уулзалтад оролцов.

Уур амьсгалын өөрчлөлтөд охид, эмэгтэйчүүд ихээр өртөж буйг сайд Б.Батцэцэг дурдаад, тэгш боломж бүхий тогтвортой нийгмийг бий болгоход тэдний манлайлал, оролцоо нэн чухал болохыг онцлов. Монгол Улс ирэх онд “Дэлхийн эмэгтэйчүүдийн чуулга уулзалт”-ыг зохион байгуулж, уур амьсгалын өөрчлөлтийн асуудлыг тусгайлан хэлэлцэхээр төлөвлөж буйг тэрээр бүлгийн гишүүн улс орнуудад танилцуулав.

Парисын хэлэлцээрийн хэрэгжилтийн талаарх цогц үнэлгээ, алдагдал, хохирлыг бууруулах, санхүүжилтийг нэмэгдүүлэх, уур амьсгалын өөрчлөлтийн явцыг сааруулах, дасан зохицоход чиглэсэн шийдлүүд, хүлэмжийн хийн ялгарлыг бууруулах арга зам зэрэг олон асуудлыг өргөн хүрээнд хэлэлцэв.

Гадаад харилцааны сайд Б.Батцэцэг 77-гийн бүлгийн дээд түвшний уулзалтад хэлсэн үгэндээ уур амьсгалын өөрчлөлт хөгжиж буй орнуудын хөгжилд ихээхэн сөрөг нөлөө үзүүлж буйг онцоллоо. Засгийн газраас хэлэлцүүлж буй бодлого, үйл ажиллагааны талаар танилцуулав гэж ГХЯ-наас мэдээлэв.