БНСУ-Н ЭЛСЭЛТИЙН ЕРӨНХИЙ ШАЛГАЛТ ӨНӨӨДӨР ЭХЭЛЛЭЭ

Солонгос улсын хувьд жил бүрийн хамгийн чухал арга хэмжээнүүдийн нэг болох элсэлтийн ерөнхий шалгалт орон даяар арваннэгдүгээр сарын 16 буюу өнөөдөр эхэллээ.

Энэ жилийн улсын хэмжээнд зохион байгуулагдаж буй ЭЕШ-ыг өгөхөөр нийт 504,588 ахлах ангийн төгсөгчид гарын үсэг зурсан байна. Энэ шалгалт нь улсын хэмжээнд 1279 шалгалтын төвүүдэд явагдах 9 цагийн урттай, таван хэсгээс бүрдэх шалгалт юм.

2020 онд COVID-19 тахлын халдвар эхэлснээс хойш анх удаагаа Ковидоор өвчилсөн нь батлагдсан эсвэл шинж тэмдэгтэй сурагчид бусад халдвар аваагүй сурагчидтай нэг өрөөнд шалгалт өгөхийг зөвшөөрсөн байна. Харин Ковидоор өвчилсөн сурагчдын хувьд үдийн завсарлагааны үеэр хооллох өрөөг тусад нь гаргаж өгнө гэж мэдэгджээ.

Англи хэлний тестийн сонсох шалгалтын үеэр дуу чимээ хязгаарлахын тулд улс даяар бүх нислэгийн хөөрч, буух цагийг 13:05-13:40 хооронд хориглож байгаа юм байна.

Онцгой нөхцөл байдалд байгаа хүмүүсийг оролцуулалгүйгээр нислэгийн бүх нисэх онгоц хязгаарлалтын хугацаанд 3 километр буюу түүнээс дээш өндөрт гарч болохгүй бөгөөд энэ хугацаанд 94 нислэгийн үйл ажиллагааны хуваарийг өөрчлөх болно гэж тээврийн яамнаас мэдээллэлээ.

Сөүлд метроны үйлчилгээг нэмэгдүүлэх зорилгоор өглөөний 6 цагаас 10 цаг хүртэл метроны хүртээмжийг өргөтгөж, 7 цагаас 9 цаг хүртэл хугацаанд шалгалт өгч буй сурагчдыг шалгалтын төвүүддээ цагтаа хүрэхэд нь туслахаар автобусны хүртээмжийг ч нэмэгдүүлжээ. Түүнчлэн цагдаагийн машинууд болон бүс нутгийн төрийн албан хаагчид түр хугацаагаар суралцагчдад шалгалтын газраа цагтаа хүрэхэд нь туслахаар ойрхон байрлаж байгаа юм байна .

Сөүл хотын засгийн газрын байгууллагууд болон тойргийн албаныхан замын хөдөлгөөний ачааллыг бууруулах зорилгоор өглөөний 10 цагаас эхлэн ердийнхөөс нэг цагийн дараа ажиллаж эхэлсэн байна. Үүгээр зогсохгүй өмнөд Солонгосын хөрөнгийн бирж болон гадаад валютын зах зээлийн үйл ажиллагааны цагийг мөн нэг цагаар хойшлуулан өглөөний 10 цагаас эхэлнэ гэж албаныхан мэдээллэжээ.