МОНГОЛЫН УЛСЫН ЕРӨНХИЙ САЙД Л.ОЮУН-ЭРДЭНЭ, ШАДАР САЙД С.АМАРСАЙХАН НАР АРХАНГАЙ АЙМАГТ АЖИЛЛАЖ БАЙНА

Архангай аймагт шинээр баригдаж байгаа 300 ортой нэгдсэн эмнэлэгийн ажлын явц болон Булганхангай шинэ суурьшлийн бүсийн инженерийн дэд бүтэц, зам талбайн тохижилт, Цэцэрлэгт хүрээлэнгийн танилцуулгыг сонслоо.

Архангай аймгийн хувьд 60 га талбайд шинэ суурьшлийн бүс байгуулахаар төлөвлөж, ажлаа эхлээд байна.

Энхний ээлжинд 20 га талбайд 120 айлын орон сууц, 150 хүүхдийн цэцэрлэг, Усан бассейн, 320 хүүхдийн сургууль, спорт заал, 100 хүүхдийн дотуур байр, аймгийн Онцгой байдлын газар, Багш хөгжлийн төв, аймгийн Прокурорын газар, 600 хүний суудалтай Хөгжимт драмын театр, инженерийн шугам сүлжээ, дэд бүтцийн хамт баригддаж, өнөөдрийн байдлаар 63,2 тэрбумын төгрөгийн хөрөнгө оруулалт хийгдээд байгаа юм.

Энэхүү ажлын хүрээнд Архангай аймгийн Нэгдсэн эмнэлэгийн 300 ортой шинэ барилгыг барьж, барилгын ажлын явц 85 хувийн гүйцэтгэлтэй байгаа бөгөөд 12 дугаар сард ашиглалтад оруулахаар төлөвлөн ажиллаж байна.

Уг барилга нь 13800м2 талбай бүхий таван давхар, Хэвтэн эмчлүүлэгчдийн хэсэг, Амбулаторийн тасаг, Халдварт сүрьеэгийн тасаг, Ариутгал угаалга, Хүчилтөрөгч, Уурын зуух, Дэд өртөө, Дизель станцын барилга гэсэн найман блокоос бүрдэж байгаа юм.

Эмнэлэгийн нийт төсөвт өртөг нь 25.2 төгрөг бөгөөд Улсын төсвийн хөрөнгө оруулалтаар хийгдэж байна.

Булганхангай суурьшлийн бүсийн 40 га талбайн бүтээн байгуулалтад, 129 айлын амины орон сууц, найман байршилд 1500 айлын орон сууцны газар олгогдоод байгаа бол Хүүхэд, залуучуудын үндэсний цэцэрлэгт хүрээлэн, 640 хүүхдийн сургууль, 150,240 хүүхдийн цэцэрлэг зэрэг барилгуудын зураг төслийн ажил хийгдэж эхэлжээ.