ТАВАН ИХ НАЯДААС 2.4 ИХ НАЯДЫН ХОХИРЛЫГ НӨХӨН ТӨЛҮҮЛЛЭЭ

Авлигатай тэмцэх газраар шалгагдсан гэмт хэргийн улмаас 5.02 их наяд гаруй төгрөгийн хохирол учирсан гэж тооцоолсон бөгөөд мөрдөн шалгах ажиллагааны явцад 2.37 их наяд төгрөгийн хохирлыг нөхөн төлүүлснийг тус байгууллага тайландаа онцолжээ. Мөн 518 тэрбум төгрөгөөр үнэлэгдэх эд хөрөнгө болон бэлэн мөнгийг битүүмжлэн хамгаалсан бол хахуулийн 18.8 тэрбум төгрөгийн үнэ бүхий бэлэн мөнгө, хөдлөх, үл хөдлөх хөрөнгө хураан авсан байна. 2022 онд АТГ иргэн, аж ахуйн нэгж, байгууллагын албан тушаалтны авлига, ашиг сонирхлын зөрчилтэй холбоотой нийт 692 гомдлыг хянан шалгаснаас 662 гомдлыг буюу 95.6 хувийг нь шийдвэрлэснээ мэдээллээ.