Чикагогийн хүүхдийн кино наадамд тэргүүн байр эзэлсэн богино хэмжээний “Шат” хэмээх богино хэмжээний кино Оскарын наадамд өрсөлдөх эрх авчээ.

Нийгэмд хөгжлийн бэрхшээлтэй иргэдийн оролцоог нэмэгдүүлэхийг уриалсан уг богино хэмжээний киног Монголын Урлагийн зөвлөлийн “Бид чадна – Бид авъяастай” урлагийн боловсролын төслийн хүрээнд Австрали, Монголын уран бүтээлчид хамтран 2019 онд бүтээсэн аж. Түүнчлэн тус уран бүтээл нь 12 дахь удаагийн "Улаанбаатар" олон улсын кино наадам, Ази номхон далайн бүсийн дэлгэцийн форумд сонгогдож байжээ.

Энэ киног бүтээх явц, үйл ажиллагаанд камерны цаана даунтай 10 гаруй залуу ажилласан юм.