СҮҮЛИЙН 24 ЦАГИЙН БАЙДЛААР КОРОНАВИРУСТ ХАЛДВАРЫН 2,237 ШИНЭ ТОХИОЛДОЛ БҮРТГЭГДЭЖ, 15 ХҮН НАС БАРЛАА
- schedule 2021 оны 10 сарын 7
- chat_bubble 0
Эрүүл мэндийн яамнаас коронавируст халдварын талаарх цаг үеийн мэдээллийг өглөө.
2021 оны аравдугаар сарын 07-ны байдлаар Монгол Улсад коронавируст халдварын 2,237 шинэ тохиолдол бүртгэгдэж, 15 хүн нас барлаа. Нас барсан иргэдийн насны хувьд 21-40 насны 1, 61-80 насны 9, 80-аас дээш насны 5 иргэн нас баржээ. Хүйсийн хувьд авч үзвэл 11 эмэгтэй, 4 эрэгтэй байгаа бол нас баралтын шалтгаан нь архаг хууч өвчтэй болон ковид хавсарсан 15 нас баралт бүртгэгдлээ.
Улаанбаатар хотод 1,107 орон нутагт 1,130 тохиолдол тус тус бүртгэгдсэн бол зөөвөрлөгдсөн тохиолдол бүртгэгдээгүй байна. Мөн сүүлийн 24 цагт 6,500 иргэн эдгэж дараагийн тусгаарлалтруу шилжсэн байна.
Коронавируст халдвараар өвчилсөн өвчтөнүүдийн биеийн байдал:
- Хөнгөн: 13,006
- Хүндэвтэр: 6,721
- Хүнд: 2,051
- Нэн хүнд: 332 өвчтөн эмчлүүлж байна.
ЭМЯ-наас “Иргэн Та амны хаалтаа тогтмол зүүж, дархлаа сэргээх нэмэлт тунд хамрагдсанаар өөрийгөө болон гэр бүлээ Ковид-19-ийн халдвараас хамгаална” хэмээн уриаллаа.
С.ГАНЦЭЦЭГ
Санал болгох
Сонин хачин
Уншиж байна ...