24 ЦАГТ ШИНЭЭР 2,543 ТОХИОЛДОЛ БАТЛАГДАЖ, 13 ХҮН НАС БАРЛАА

Эрүүл мэндийн яамнаас коронавируст халдварын талаарх цаг үеийн мэдээллийг өглөө

2021 оны есдүгээр сарын 21-ний өдрийн байдлаар Монгол Улсад коронавируст халдварын 2.543 тохиолдол шинээр бүртгэгдсэн бол улаанбаатар хотод 1.342, орон нутагт 1.201 тохиодол батлагджээ. Өнөөдөр 4,883 өвчтөн эдгэж дараагийн тусгаарлалт руу шилжсэн байна. Мөн 13 хүн эндэж нийт нас баралт 1059 боллоо.

Сүүлийн 24 цагт 21-40 насны 2, 61-80 насны 8, 80-аас дээш насны 3 иргэн нас барлаа. Нас барсан шалтгааныг тодруулбал архаг, хууч өвчтэй болон ковид хавсарсан шалтгаанаар арван гурван хүн  энджээ.

Эмчлүүлж буй иргэдийн биеийн байдал:

• Хөнгөн -12,329
• Хүндэвтэр -6,729
• Хүнд -1,959
• Нэн хүнд -380 өвчтөн эмчлүүлж байна.

ЭМЯ-наас Дотоод орчинд заавал амны хаалт зүүж, агаар сэлгэлтийг тогтмол хийе!  Гэж уриаллаа

 С.ГАНЦЭЦЭГ