“МОНГОЛЫН ХУДАЛДАА, ХӨРӨНГӨ ОРУУЛАЛТ, ӨВ СОЁЛЫН ОЛОН УЛСЫН ЧУУЛГАН ИРЭХ АРВАННЭГДҮГЭЭР САРД БОЛНО

Ирэх арваннэгдүгээр сард АНУ-ын Вашингтон, Канад улсын Торонто хотод Олон улсын худалдаа, хөрөнгө оруулалт, өв соёлыг дэмжих томоохон үзэсгэлэн болон чуулга уулзалтыг зохион байгуулах гэж байна. Энэхүү уулзалт, үзэсгэлэнгийн худалдаанд Монгол Улсын үндэсний брэндүүд, үйлдвэрлэгч, аж ахуйн нэгжүүд оролцох аж.

• АНУ-ын Вашингтон хотын Олон улсын худалдааны төвд 11-р сарын 15-аас 20-ны өдөр,
• Канад улсын Торонто хотод 11-р сарын 20-ноос 25-ны өдөр “Монголын худалдаа, хөрөнгө оруулалт, өв соёлын олон улсын чуулган” болно.

Хамтарсан уулзалтын үеэр Монгол Улсынхаа биет болон биет бус өвийг давхар сурталчлан таниулах, аялал жуулчлалын салбарыг хөгжүүлэх бодлогыг дэмжих, бүх талын оролцоо, хамтын ажиллагаа, хөрөнгө оруулалт, худалдааг татах томоохон боломж нээгдэх юм.

Эх сурвалж: ХХААХҮЯ