УБТЗ-ын дарга асан Л.Пүрэвбаатарын 13,9 тэрбум төгрөг завшсан хэргийг дахин шүүнэ
- schedule 2021 оны 3 сарын 25
- chat_bubble 0
Монгол, Оросын хувь нийлүүлсэн “Улаанбаатар төмөр зам” нийгэмлэгийн даргаар ажиллаж байсан Л.Пүрэвбаатарт холбогдох, эрх мэдлээ урвуулсан хэргийг нийслэлийн Эрүүгийн хэргийн давж заалдах шатны шүүхэд өчигдөр буюу энэ сарын 23-ны өдөр хэлэлцлээ.
Тодруулбал, Нийслэлийн Прокурорын газар (НПГ)-аас түүнд 2002 оны Эрүүгийн хуулийн 265.2 дахь хэсэгт заасан “Төрийн бус байгууллага, аж ахуйн нэгжийн албан тушаалтан бусдад давуу байдал олгож, хууль тогтоомж, дүрмээр олгогдсон албан тушаалын эрх мэдлээ урвуулан ашигласан.
Энэ хэргийн улмаас байгууллагад их хэмжээний хохирол учруулсан” гэх үндэслэлээр яллах дүгнэлт үйлдсэн байдаг.
Тус нийгэмлэгийн хөрөнгө болох 150 гаруй сая төгрөгөөр жийп автомашин худалдан авсан (өөрийн унаж байсан машиныг “шахсан”) хэргийг хохирогч байгууллагын хууль ёсны төлөөлөгчийн гаргасан давж заалдах гомдлыг үндэслэн хэлэлцэхээр болсон байна. Мөрдөн байцаалт, прокурорын шатанд уг жийп машиныг “Улаанбаатар төмөр зам”-ын мэдэлд буцаан өгсөн ч зах зээлийн үнээс өндөр буюу 13.9 сая төгрөгийн хохирлыг ХНН-т учруулсан гэж шинжээчид дүгнэсэн байдаг.
Л.Пүрэвбаатар шүүх хурлаас өмнө тус байгууллагад учирсан 13.9 сая гаруй төгрөгийн хохирлыг нөхөн төлсөн байдаг. Анхан шатны шүүхээс Л.Пүрэвбаатарын гэм буруутай нь нотлогдсон гэж дүгнэсэн ч ардчилсан сонгууль болж, байнгын ажиллагаатай парламент байгуулагдсаны 25 жилийн ойг тохиолдуулан 2015 онд УИХ-аас баталсан Өршөөл үзүүлэх тухай хуулийн үйлчлэлд хамруулан эрүүгийн хариуцлагаас чөлөөлсөн.
Тэгвэл давж заалдах шатны шүүх уг хэргийг хэлэлцэхийг түдгэлзүүлжээ. Учир нь хэргийн хөөн хэлэлцэх хугацаа дууссан ч Эрүүгийн хуульд 2020 оны нэгдүгээр сарын 10-нд оруулсан нэмэлт, өөрчлөлтөөр сэргээн шалгасан нь Үндсэн хууль зөрчсөн гэх маргааныг Цэцийн их суудлын хуралдаанаар хэлэлцэхтэй холбоотойгоор шийдвэр гарахыг нь хүлээх болсон байна.
www.tsahiur.mn
Санал болгох
Сонин хачин
Уншиж байна ...