Өвөрмонголын Ардын багш крилл үсгээр шүлэг зохиожээ
- schedule 2020 оны 5 сарын 29
- chat_bubble 2
Өвөрмонголын Хүрээ хошууны Ардын багш Боо Цагаан "Дэлхийн яруу найргийн өдөр"-өөр крилл үсгээр өөрийн бичсэн шүлгээ бидэнд илгээснийг толилуулъя. Тэрээр крилл бичгийг өөрөө бие даан сурсан байна.
ШҮЛЭГ БИЧЬЕ
Тал хөдөө нутаг минь тамтаг болж байгаа ч
Талын нэгэн монгол айл тайвуухан зусаж байна гэж шүлэг бичье
Тариан сүрлээр амьдралаа буцалгаж байгаа ч
Таван хошуу мал минь тал дүүрэн бэлчиж байна гэж шүлэг бичье
Өөрийн гэсэн амьдрал минь талхигдажбайгаа ч
Өргөө цагаан гэр минь тараг айргаар бялхаж байна гэж шүлэг бичье
Өр зүрхний үнэн үгээ хэлж чадахгүй байлаа ч
Өөртөө засаж үндэстэн бүхэн эрх тэгш байна гэж шүлэг бичье
Булзархай хэлээр одоо ирээдүйгээ бичиглэж байгаа ч
Босоо үсэг тэнгэрлэг хэл минь гэж магтан магтан шүлэг бичье
Дэлхийн кодод босоо үсэг минь орж чадаагүй байлаа ч
Дэлхийн яруу найргийн өдөрт эх хэлээрээ шүлэг бичье
2020.03.21
Санал болгох
Сонин хачин
Уншиж байна ...