“Даатгалын санаачилгыг нэвтрүүлэх” A2ii байгууллага үйл ажиллагаагаа дэлхий нийтэд танилцуулав
- schedule 2017 оны 1 сарын 19
- chat_bubble 0
Санхүүгийн зохицуулах хороо даатгалын хүртээмжийг нэмэгдүүлэх, санхүүгийн шинэ технологи, бүтээгдэхүүнийг нэвтрүүлэхэд тулгардаг сорилтуудыг даван гарах, даатгалын зах зээлийн хөгжлийн хэтийн төлөвийг тодорхойлохдоо “Даатгалын санаачилгыг нэвтрүүлэх” (Access to Insurance Initiative, A2ii) олон улсын байгууллагаас боловсруулсан болон бусад орнуудын даатгалын хяналт, шалгалтын хандлага, ололт, амжилт, туршлагыг анхааралтай судлан ажиллаж байна.
Улс орнуудын даатгалын бодлого тодорхойлогч, зохицуулагч болон хянан шалгалтын байгууллагуудын судалгаа хийх, аргачлал боловсруулах хэрэгцээ, шаардлагын дагуу Бичил даатгалын сүлжээ /Microinsurance Network/, Олон улсын даатгалын хяналтын байгууллагын холбоо (IAIS) болон тэдгээрийн хамтарсан ажлын хэсгүүдийн санаачилгаар A2ii-ыг 2009 онд үүсгэн байгуулсан юм.
Тус байгууллага 2016 оны үйл ажиллагааны тайлангаа дэлхий нийтэд танилцууллаа. Өмнөх жилүүдтэй харьцуулахад өнгөрөгч онд A2ii ихээхэн үр бүтээлтэй ажиллаж, олон арга хэмжээг зохион байгуулж, оролцжээ. Тухайлбал, олон улсын хэмжээний долоон уулзалт, бага хурлыг зохион байгуулсан байна. Мөн Өмнөд Африкт шинээр бүс нутгийн төв байгуулж, үйл ажиллагаагаа тэлэн, даатгалын хянан шалгагч байгууллагуудын хамтын ажиллагааг өргөжүүлжээ.
Түүнчлэн, IAIS-ийн санхүүгийн хүртээмжийн бодлогыг хамтран хэрэгжүүлэгчийн хувьд A2ii өнгөрсөн онд Даатгалын үндсэн зарчим /ICPs/-уудыг нэвтрүүлэх, хяналтын чадавхийг бэхжүүлэх чиглэлээр үр дүнтэй ажилласан байна.
Санал болгох
Сонин хачин
Уншиж байна ...