“Харанга”-ын Чука “Амьдралын бэлэг”-ээ задална
- schedule 2016 оны 9 сарын 29
- chat_bubble 1
“Алдрын од” одонт “Харанга” хамтлагийн аргил гитарчин, “Up Music” продакшны захирал, хөгжмийн зохиолч, дуучин МУУГЗ Ц.Чулуунбатын зургаа дахь “Амьдралын бэлэг” нэртэй тоглолт болно.
Энэхүү тоглолтынхоо талаар Ц.Чулуунбат өчигдөр “Пума империал” зочид буудлын танхимд хэвлэлийн бага хурал хийлгэлээ.
Тус хэвлэлийн бага хурал нь хэвлэл мэдээллийн ажилтнуудыг тус танхимд энгийн байдлаар хүлээн авч, өөрийн тоглолтуудынхаа талаар чөлөөтэй ярилцан, танилцууллаа. Мөн тоглолтон дээрээ дуулагдах дуунуудаас дуулж өгсөнөөрөө урьд урьдынхаас өвөрмөц болсон юм.
Тэрээр энэхүү хурлаа хэвлэл мэдээллийн ажилтнуудад илүү ойр дотно, ойлгомжтой болгох зорилготойгоор ийнхүү чөлөөтэй хэв маягаар хийсэн тухайгаа дурдаад, 1994 онд “Үгүйлэн санана”, 2000 онд “Ирээдүй өнөөдрөөс эхэлнэ”, 2003 онд “Чи миний амьдрал”, 2008 онд “Миний гудамж”, 2013 онд “Содон аялгуу” зэрэг тоглолтуудаараа үзэгч сонсогчигдтойгоо уулзан, тоглолт хийж байсан тухай ярилаа. Мөн энэ удаагийн тоглолтоо “Амьдралын бэлэг” гэж нэрлэсэн, яагаад ингэж нэрлэх болсон тухайгаа ярилаа.
Тодруулбал, “Миний гудамж” цомгонд өөрийн хүсэж, хүмүүст хэлэхийг хүссэн зүрх сэтгэлээс урган гарсан дуунууд байдаг тухайгаа, мөн “Содон аялгуу”-г өөрийнхөөрөө дуулахыг хүссэн, өөр хэний ч хоолой надаас сонсогдохгүй, өр зүрхнээс минь содон аялгуу, өнгө нэмэн урсаж таны зүрхэнд хүрнэ хэмээн дуучныхаа хувьд ингэж хэлж байгаа боловч яг амьдрал дээрээ тийм л байдаг, би өөрийнхөөрөө л амьдарна гэсэн утга байдаг тухай хүүрнэсэн юм.
Мөн ер нь бол хүн амьдралд ирсэнээрээ бэлэг юм. Хувь хүн амьдралд олон олон бэлгүүдийг дагуулж ирдэг, тухайлбал, өөрөө аав, ээждээ бэлэг байсан бол өөрт нь үр хүүхэд ирж бэлэг болдог зэрэг маш олон бэлгэн дунд амьдрал маань үргэлжилсээр нэг л өдөр бид нар дээшээгээ нисэх болно. Тиймээс амьдралд бэлэглэсэн энэ олон бэлгүүддээ сэтгэл хангалуун сайхан байж, энэ цаг үеийн сайхан хүмүүсийн хамт, сайхан дуу хуурын хамт, сайхан эх орныхоо дунд өнгөрөөе хэмээн бодож энэхүү “Амьдралын бэлэг” дуугаа зохиосон. Тиймээс энэ тоглолтоо энэ дуугаараа нэрлэсэн хэмээн тоглолтынхоо тухай ярилаа.
Түүнчлэн тэрээр 1973-1989 оны хооронд хамтлагуудад дуулж байсан тухайгаа болон миний тоглолтууд хоорондоо нэлээд олон жилийн зайтай хийгдсэн. Мөн миний зохиосон дуунууд,хайр дурлалын, аз жаргал, зовлон гунигийн тухай дуулсан ч гэсэн бас арай өөр өнцгөөс хүмүүст хүргэдэг юм болов уу хэмээн боддог. Тэгээд энэ удаагийнхаа тоглолтыг соло маягаар хийхээр шийдсэн, энэхүү цомогт орсон шинэ дуунуудаа дуулна, мөн My Street” цомгоосоо амплакейд тоглоно, мөн найз нартайгаа хамтарч дуулж нэгэн өдрийг үзэгч, фенүүдтэйгээ өнгөрөөх болно.
Цааш нь миний болон манай хамтлагтай олон жилийн турш хамтран ажилласан “Пума” компани, “Хүннү молл”, “Европфайшн”, “Петровис” зэрэг газруудтай хамтран ажилладаг. Тиймээс эдгээр хамтран ажилладаг газруудынхаа хамт олонд баярласнаа илэрхийлье.
“Амьдралын бэлэг” тоглолтонд тухайн цомгонд орсон шинэхэн дуунуудаа дуулахын зэрэгцээ “My Street” цомгийнхоо дуунуудыг unplugged хэлбэрээр шинэчлэн найруулж үзэгчиддээ хүргэнэ. Мөн Монголын рок попын үе үеийн уран бүтээлчид, “Up Music” продакшны найруулагч Халиун нартай хамтарч хөгжмийн бүх найруулгыг хамтарч хийж байгаа, мөн вокал дуучид, үлээвэр найрал хөгжмийн хамт олон байгаа. Тэдэндээ талархсанаа хэлье хэмээн ярилаа.
Хэвлэлийн бага хурлын үеэр “Up Music” продакшны найруулагч Халиун сэтгэгдлээ ярьсан юм. Тэрээр амьд хөгжмийн тоглолтын талаар яриад, энэ тоглолтонд орчин үед хөгжиж байгаа хөгжмийн технологийг их өндөр түвшинд ашиглаж байгаа, мөн тайзны, гэрэлтүүлэг зэргийг дэлхийн стандартад ойртуулж ажиллахыг хичээж байгаа, уран бүтээлчид их идэвх, зүтгэлтэй оролцож байгаа, мөн тоглолтын маркетингийн талаар их анхаарч байгаа тухайгаа ярилаа.
Энэ оны аравдугаар сарын 7, 8-ны өдрүүдэд тоглогдох “Амьдралын бэлэг” хэмээх Чукагийн тоглолтонд “Харанга”, “Freezone”, “Guus” хамтлаг, Сарантуяа, Наран, Дэлгэрмөрөн, Баярцэцэг, Маралжингоо, Баярцэнгэл, Наранбаатар /Нарка/, Хишигдалай зэрэг дуучид ая дуугаа өргөх юм байна.
Түүнчлэн энэхүү хэвлэлийн бага хурлын үеэр тоглолтон дээр дуулагдах дуунуудаасаа “Гэртээ хүрэх замд”, “Санана даа”, зэрэг гурван дууг хэвлэл мэдээллийн сэтгүүлч, сурвалчлагч нарт амсууллаа.
Тус тоглолтын тасалбарыг Ticket.mn сайт, 1900-1800 утсаар хүргүүлэх болон HiFi Records-ын төв болон UB palase-кассаар худалдаалах аж.
Санал болгох
Сонин хачин
Уншиж байна ...