ТАВАНТОЛГОЙ ӨРТӨӨНИЙ НЭГДҮГЭЭР ЗАМААС 1052 ДУГААР ГАЛТ ТЭРЭГ НҮҮРС ТЭЭВЭРЛЭХЭЭР АНХ УДААГАА ХӨДӨЛЛӨӨ

Таван толгой Гашуунсухайт чиглэлийн төмөр замын цогцолбор төслийн хүрээнд  АНУ-ын "Progress Rail A Caterpiller " компаниас нийлүүлэх 16 зүтгүүрийн эхний ээлжийн хоёр зүтгүүрийг турших, ашиглалтад оруулах ажил Таван толгойн өртөөнд хийгдэж дуусчээ.  SD70ACe/LW серийн зүтгүүрийг ажиллагаанд оруулахаар "Тавантолгой төмөр зам" ХХК- ийн зүтгүүрийн бригадууд болон засвар инженер, техникийн ажилчдад АНУ-ын "Progress Rail А Caterpillar" компанийн цахилгааны сургагч багш Frank Vogecs, механикийн сургагч багш Warren Bjornos нар дизель хөдөлгүүр/тоормосны систем, цахилгаан систем, жолоодлого гэсэн үндсэн сэдвийн хүрээнд 7 хоногийн танхимын сургалтыг явуулсан байна. 

Ийнхүү сургалт дуусч өнөөдөр буюу 2024 оны гуравдугаар сарын 25-нд Тавантолгой өртөөний нэгдүгээр замаас 1052 дугаар галт тэрэг нүүрс тээвэрлэхээр  анх удаагаа хөдөллөө.  АНУ-ын "Progress Rail A Caterpiller " компанийн  SD70ACe/LW загварын 4102 дугаартай , 228 голтой, 4963тн жинтэй, нэг секцийн хүчирхэг илчит тэрэг ийнхүү  ОХУ-ын Тихвины вагоны үйлдвэрийн 13-6724 загварын 57 ширхэг инновационы тавцант вагонтой  анхны нүүрс тээвэртээ гарлаа.