“БӨМБӨГӨР” ХУДАЛДААНЫ ТӨВИЙН ТҮРЭЭСЛЭГЧИД МАЛЧДАД 3.8 САЯ ТӨГРӨГ, ХУВЦАС, ЭД МАТЕРИАЛ ХАНДИВЛАЖЭЭ

Улсын онцгой комисст нийт 2.7 тэрбум төгрөгийн хандив,тусламжийг ирүүлсэн байна.

Зудын гамшигт өртсөн малчин иргэдэд хүргэх хандивын аянд иргэд, аж, ахуйн нэгж, байгууллагууд мөнгөн болон эд материалын дэмжлэг үзүүлж, нэгдэж байна.

Энэ хүрээнд өнөөдөр “Ачит-Ихт” ХХК 100 сая төгрөг, “Монгол наадам цогцолбор” ОНӨТҮГ-ын хамт олон 625.000 төгрөг хандивласан бол “Бөмбөгөр” худалдааны төвийн түрээслэгчид 3.8 сая төгрөг болон хувцас эд материалын тусламж үзүүлж, УОК-т хүлээлгэн өгчээ.

Малчдад туслах хандивын аян 02 дугаар сарын 20-аас эхэлж, улмаар 29-ний өдрүүдийн байдлаар 33 иргэн, 53 аж ахуйн нэгж, байгууллагаас 1.954.445.987 төгрөгийн мөнгөн хандив, 2 иргэн, 18 аж ахуйн нэгж, байгууллагаас 773.132.900 төгрөгийн бараа, материалын хандив буюу нийт 2.727.578.887 төгрөгийн хандив тусламж Улсын онцгой комисст ирүүлэв гэж ОБЕГ-аас мэдээллээ.