АНУ-ЫН ИХЭНХ КОМПАНИУД ХЯТАДАД ХӨРӨНГӨ ОРУУЛАХААС ЗАЙЛСХИЙСЭН ХЭВЭЭР БАЙНА
- schedule 2024 оны 2 сарын 2
- chat_bubble 0
БНХАУ-ын бизнесийн орчны ойрын ирээдүйн талаарх АНУ-ын компаниудын өөдрөг хүлээлт нэмэгдсэнийг Хятад дахь Америкийн худалдааны танхим мэдээллээ. Гэхдээ АНУ-ын ихэнх компаниуд Хятадад хөрөнгө оруулахаас зайлсхийсэн хэвээр байна. Тус танхимын судалгаанд оролцсон гишүүн компаниудын 40 хувь нь ирэх хоёр жилийн ашигт ажиллагаандаа өөдрөг хүлээлттэй байсан ч 43 хувь нь энэ онд хөрөнгө оруулалтаа өргөжүүлэх бодолгүй байгаагаа илэрхийлжээ.
“2023 онд Хятадын эдийн засгийг доош татсан зүйл нь хэрэглэгчийн итгэл сул байсантай холбоотой. Энэ оны хувьд ч мөн адил дүр зурагтай буюу хэрэглэгчийн итгэл гол түлхүүр нь байна. БНХАУ-ын дотоодын эрэлт энэ онд сул байвал үйлдвэрлэл нь дагаад эрс агших төлөвтэй. Энэ нь түүхий эдүүдийн үнэ буурах дарамт үүсгэхээс гадна Хятад руу түүхий эд экспортлогч орнуудад сөрөг нөлөө үзүүлэх боломжтой” хэмээн Bloomberg Economics-ийн эдийн засагч Дэвид Цюй бидэнтэй ярилцахдаа онцолсон юм.
Эх сурвалж: www.bloombergtv.mn
Санал болгох
Сонин хачин
Уншиж байна ...