МУСГЗ, АЯ ЗОХИОГЧ Л.БАЛХЖАВ ТӨРИЙН СОЁРХОЛТ ХҮРТЛЭЭ

Монголын соёл, урлагийн салбарт авьяас хөдөлмөр, бүтээлээ олон жил зориулж, хөгжмийн урлагт туульсан төрлийн шинэ урсгал чиглэл гарган, орчин цагийн рок поп хөгжмийг хөгжүүлэх, шинэ залуу авьяаслаг уран бүтээлчдийг бэлтгэхэд идэвх санаачилгатай ажиллаж байгаа. Монгол Улсын Соёлын гавьяат зүтгэлтэн, хөгжмийн зохиолч Л.Балхжавын эх орон, тусгаар тогтнолын үнэ цэнийг таниулах, их түүх, өв соёлыг түгээн дэлгэрүүлэхэд үнэтэй хувь нэмэр оруулсан “Амин хайрын эх орон”, “Бурхан эх орон”,”Миний Монголын наадам” хөгжмийн бүтээлд Монгол Улсын Төрийн шагнал хүртээлээ.