ХӨШИГИЙН ХӨНДИЙД ДАГУУЛ ХОТТОЙ БОЛСНООР АГААРЫН БОХИРДОЛ 10, ТҮГЖРЭЛ 20 ХУВИАР БУУРНА

Өнөөдрийн Засгийн газрын ээлжит хуралдаанаар Хөшигийн хөндийн эдийн засгийн чөлөөт бүс байгуулах тогтоолыг батлах шийдвэр гарчээ. Ингэснээр тодорхой тооны хүн амыг шилжүүлэн суурьшуулж, агаарын бохирдол, авто замын түгжрэлийг бууруулах боломжтой гэж үзжээ.

Тодруулбал, энэхүү дагуул хотыг байгуулснаар 150 мянган иргэн, 50 мянган өрх шилжин суурьшиж Улаанбаатарын агаарын бохирдол 10 орчим хувь, авто замын түгжрэл 20 орчим хувиар буурах тооцоолол байна гэв. Хөшигийн хөндийн эдийн засгийн чөлөөт бүсийн үйл ажиллагааг Хөшигийн хөндийн бүтээн байгуулалтын асуудал хариуцсан захиргаа үндсэн чиг үүргийнхээ дагуу хариуцах учир төсөвт дарамт болохгүй гэдгийг албаныхан хэллээ.