”Алибаба” корпорац энэ сарын 11-нд 120,7 тэрбум юань буюу 17,73 тэрбум ам.долларын борлуулалт хийжээ

"Алибаба" корпорацын үндэстэн дамнасан  шилдэг цахим худалдаа эрхлэгч компани болохоо дахин нотоллоо.

Олон ч улс оронд  арваннэгдүгээр сарын 11-нийг хүлээж бараагаа хямдралтай үнээр авахаар тэсэн ядан хүлээсэн.

Энэ жилийн хувьд "Алибаба" корпорац  нийт 120,7 тэрбум юань буюу 17,73 тэрбум ам.долларын борлуулалт хийжээ.  Энэ нь өнгөрсөн оныхоос 29,5 тэрбум юаниар илүү гэсэн үг юм. Гайхамшигтай биш гэж үү?

Америкийн  “Хар баасан” гарагийн хямдралтай худалдаанаас илүү гэдгээ  харуулж чадлаа.

Харин борлуулалтаараа аль улс тэргүүлснийг зургаар харуулъя.

Оросууд энэ өдрийг нижгэр тэмдэглэсэн хэмээн олон нийтийн сүлжээнд бичсэн байна.

Оросын нэгэн сурвалжлагч Оросын Москва хотын Греенвүүд дэх "Алибаба" корпорацын агуулахад очсон байна. 4500 шоо метр агуулахад төрөл бүрийн бараа бүтээгдэхүүн дүүрэн байжээ.

Агуулахын менежер Шин Ваньпин хэлэхдээ, 11-р сарын 11-нийг угтахын тулд хоёр сарын өмнөөс бараагаа бэлтгэж эхэлсэн. Ажилчдын тоо ч ердийн үеийнхээс 3-5 дахин нэмэгдсэн. Одоогоор агуулахад нийт 2 000 гаруй төрлийн 400 мянган бараа бүтээгдэхүүн хадгалж байна. Ер нь бол манай агуулах одоогоор пиг дүүрээд байна.

Одоо голдуу 11-р сарын 11-ний хямдралын баярын бэлтгэл ажил явагдаж, баглаж савлах, эвдэрч хагарах эрсдэлтэй бүтээгдэхүүнд тэмдэг шошго наах зэрэг ажлыг хийж байна" гэжээ.

Хилийн чанад дахь агуулах бол хил дамнасан цахим худалдааны ложистикийн холбооны чухал дамжлаг юм.

Түүнийг бий болгосон нь Хятад Оросын хилийн чанадын цахим худалдааны ложистикийн тээврийн цаг хугацааг ихээр богиносгож чаджээ. Мөн бараа нийлүүлэх хугацааг 20-30 хоног байсныг 2-7 хоног болтол богиносгосон. Хэрэглэгчдийн бараагаа буцааж солих, арын үйлчилгээний төвөгтэй асуудлуудыг зохицуулж, худалдан авагчийн бараа нийлүүлэлтийн явцыг дээшлүүлж чадсан байна.

 Оросын хилийн чанадын Греенвүүд агуулах одоогоос жил гарангийн өмнө байгуулагджээ.  Энэ онд тэд анх удаа 11 сарын 11 буюу бараа бүтээгдэхүүнээ хямдруулж зарах өдрийн арга хэмжээнд оролцож байна.

Шин Ваньпин хэлэхдээ,

-Одоогоор манай ложистикийн барааг хоёр аргаар хүргэж байна. Нэгдүгээрт Оросын үндэсний шуудан, нөгөөх нь Оросын дотоодын илгээмжийн үйлчилгээ гэлээ.
　　
Сүүлийн жилүүдээс Оросын  зах зээлд  Хятадын бараа бүтээгдэхүүний эрэлт хэрэглээ тогтвортой нэмэгдсэн.

Цахим худалдааны нийгэмлэг болон Оросын шуудан, ＧｆＫ-ийн нэгдсэн шинжилгээний дүнд харуулснаар Оросын хилийн чанадын худалдааны өсөлтийн хурд Оросын дотоодын худалдааны хурдаас илүү гарч, 2016 оны 1-6-р сард Оросын цахим худалдааны импортын өсөлт 37 хувьд хүрч, 143 тэрбум гаруй рубльд хүрчээ. 2016 оны бүтэн жилийн өсөлтийн хурд 45 хувиас давж, 320 тэрбум рубльд хүрнэ гэж мэргэжилтнүүд төсөөлж байна.