Хүүхдийн ордны зуны сургалтын талаархи мэдээллүүдийг эндээс аваарай

Монголын хүүхдийн ордны зуны сургалтын бүртгэл эхэлсэн байна.

Тус ордоны төвд, урлагийн /аялгуу, бүжиг, драм, дуулаач, лимбэ, морин хуур, төгөлдөр хуур, хийл, хуучир-ёочин, шанз- төгөлдөр хуур, ятга-төгөлдөр хуур/ дугуйлангууд хичээллэдэг. Мөн гадаад хэлний /англи, хятад, япон/ дугуйлан хичээллэхээс гадна уран бүтээлийн /математик, уран зураг, шатар, компьютер-менежмент/ дугуйлангууд хичээллэдэг байна.

Төвийн дугуйлангуудаас гадна салбар

Баянзүрх-1 салбарт: амьдрах ухаан, бүжиг, драм, дуулаач, зураг

Баянзүрх-2 салбарт: англи хэл, бүжиг, драм, зураг

Сонгинохайрхан салбарт: англи хэл, бүжиг, драм, дуулаач

Сүхбаатар-1 салбарт: бүжиг, драм,

Сүхбаатар-2 салбарт: дуулаач

Хан-Уул-1 салбарт: бүжиг, драм

Хан-Уул-2 салбарт: зураг  гэсэн чиглэлээр сургалтууд хичээллэдэг аж.

Эдгээр дугуйлан сургалтууд нь мэргэжлийн багш нараар заалгадаг байна.

Тодруулахад, Монголын хүүхдийн ордон нь анх БНМАУ-ын Сайд нарын Зөвлөлийн 1958 оны наймдугаар сарын 22-ны өдрийн 25 тоот тогтоолоор Монголын пионер сурагчдын төв ордон нэртэйгээр хүүхэд багачуудын чөлөөт цагийг зөв боловсон өнгөрүүлэх зорилготойгоор байгуулагдсан байна.

Түүнчлэн НИТХ-ын шийдвэрээр нийслэлийн алслагдсан гэр хорооллын хүүхдүүдийг хөгжүүлэх, авьяас чадварыг нь нээх зорилгоор 2015 оны хоёрдугаар сараас МХО-ы салбар дугуйлангуудыг нээн хичээллүүлж эхэлсэн байна.

Монголын хүүхдийн ордны салбар дугуйлангууд  Сонгинохайрхан дүүргийн 3, 9, 27 хороо, Чингэлтэй дүүргийн 1,18 дугаар хороо, Баянзүрх дүүргийн 2, 9 дүгээр хороо, Сүхбаатар дүүргийн 17 дугаар хороонд байрлаж байна.

Мөн СБД-ийн Хүүхэд гэр бүлийн хөгжлийн төв, ХУД-ийн 19 дүгээр хороолол, Яармаг дахь 34 дүгээр сургууль, 10 дугаар хорооны Иргэний танхим, долдугаар сургууль, “Морингийн даваа”-нд байрлах 135 дугаар сургуулийн байранд тус тус хичээллэдэг аж.

Та бүхэн дараах хүснэгтээс өөрийнхөө сурахыг хүссэн сургалтандаа хэрхэн яаж бүртгүүлэх,  ямар төлбөртэй, хэдэн хоног суралцах боломжтой зэрэг өөрт хэрэгтэй зүйлүүдээ лавлана уу.