ЯПОНЫ ЭЗЭН ХААН ЧИНГИС ХААНЫ МУЗЕЙД ЗОЧИЛЛОО ”МОНГОЛ ДАРХАН: ӨВ, УРЛАХУЙ” ТУСГАЙ ҮЗЭСГЭЛЭН ЧИНГИС ХААН ҮНДЭСНИЙ МУЗЕЙД НЭЭЛТЭЭ ХИЙЛЭЭ ЯПОН УЛСЫН ЦОГ ЖАВХЛАНТ ЭЗЭН ХААН НАРҮХИТО, ЭРХЭМ ДЭЭД ХАТАН МАСАКО НАР МОНГОЛ УЛСАД АЛБАН ЁСНЫ АЙЛЧЛАЛ ХИЙЖ БАЙНА ”АЛТАН ХАЙЧ-2025” ХОНЬ НООСЛОГЧДЫН УЛСЫН АВАРГА ШАЛГАРУУЛАХ ТЭМЦЭЭНИЙГ ГОВЬ-АЛТАЙ АЙМГИЙН ДАРВИ СУМЫН МАЛЧИН ТЭРГҮҮЛЛЭЭ МУИС ЭЛСЭЛТИЙН ШАЛГАЛТЫН СУУРЬ ХИЧЭЭЛИЙГ ТООЦОХ ЖУРАМДАА ӨӨРЧЛӨЛТ ОРУУЛЛАА

Зарим албан тушаалтнаас хөрөнгө, орлогын мэдүүлэг авахгүй

2015 оны 1 сарын 13
0

Монгол Улсын Их Хурлын Хууль зүйн байнгын хорооны 2012 оны 05 дугаар тогтоолын “Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн маягт, түүнийг бүртгэх, хянах, хадгалах журам”-д нэмэлт, өөрчлөлт оруулснаар уг журмын 5 дугаар хавсралт болох “Хувийн ашиг сонирхлын мэдүүлэг болон хөрөнгө, орлогын мэдүүлэг гаргах зарим албан тушаалтны жагсаалт”-ыг шинэчлэн батлав. Нэмэлт, өөрчлөлт оруулсан уг журмыг 2015 оны 01 дүгээр сарын 01-ний өдрөөс эхлэн дагаж мөрдөж эхлээд байна.

“Хувийн ашиг сонирхлын мэдүүлэг болон хөрөнгө, орлогын мэдүүлэг гаргах зарим албан тушаалтны жагсаалт”-ыг шинэчлэн баталснаар авлигын эсрэг хууль тогтоомжийн үйлчлэлд хамаарах зарим албан тушаалтнууд, тухайлбал төрийн захиргааны 1-5 хүртэлх ангиллын албан тушаалтнууд цаашид хувийн ашиг сонирхлын мэдүүлэг болон хөрөнгө, орлогын мэдүүлэг /ХАСХОМ/ гаргах шаардлагагүй болов.

Тухайн байгууллагын зорилго, зорилт, батлагдсан бүтэц, орон тоо, тухайн ажлын байрны /тодорхойлолт/ чиг үүргээс үзэхэд байгууллагын бүтцийн нэгжийг удирддаггүй, эрх хэмжээний хүрээнд шийдвэр гаргадаггүй /гадагш бус дотогш чиглэсэн үйл ажиллагаа эрхэлдэг/, шийдвэр гаргах эрх хэмжээ бүхий удирдах албан тушаалтны өмнө ажлаа тайлагнадаг, тодорхой төсөв, хөрөнгө захиран зарцуулах эрх хэмжээгүй; ажилтныг сонгон шалгаруулах болон томилох, чөлөөлөх асуудлаар ямар нэгэн захирамжлалын баримт бичиг /тушаал шийдвэр/ гаргадаггүй, ашиг сонирхлын зөрчилд өртөх эрсдэл багатай зарим албан тушаалтнаас ХАСХОМ авахааргүй боллоо.