”АЛТАН ХАЙЧ-2025” ХОНЬ НООСЛОГЧДЫН УЛСЫН АВАРГА ШАЛГАРУУЛАХ ТЭМЦЭЭНИЙГ ГОВЬ-АЛТАЙ АЙМГИЙН ДАРВИ СУМЫН МАЛЧИН ТЭРГҮҮЛЛЭЭ МУИС ЭЛСЭЛТИЙН ШАЛГАЛТЫН СУУРЬ ХИЧЭЭЛИЙГ ТООЦОХ ЖУРАМДАА ӨӨРЧЛӨЛТ ОРУУЛЛАА МОНГОЛ УЛСЫН ХИЛЭЭР 19 УЛСЫН 716 ИРГЭНИЙГ ОРУУЛАЛГҮЙ БУЦААЖЭЭ Г.ЗАНДАНШАТАР: ДАРГА НАРЫН ТООГ ЦӨӨЛЖ, ЦОМХОН, ЧАДВАРТАЙ, ҮР АШИГТАЙ ДАРАМТ ШАХАЛТГҮЙ ХАРИУЦЛАГАТАЙ ТӨРИЙН БҮТЦИЙГ БИЙ БОЛГОНО ТӨРИЙН ӨМЧИТ ДУЛААНЫ ЦАХИЛГААН СТАНЦУУДАД ОНЦГОЙ ДЭГЛЭМ ТОГТООЖ АЖИЛЛАХ ЧИГЛЭЛ ӨГЛӨӨ

“Монгол Гэсэр" хааны тууж Испани хэлнээ хэвлэгдэн гарлаа

2013 оны 7 сарын 26
0

“Монголын нууц товчоо”, “Жангар”, “Гэсэрийн тууж” гурав бол Монголын соёл, утга зохиолын сор, тулгын гурван чулуу билээ. Тэдгээрийн нэг болох “Гэсэрийн тууж”-ийг ГХЯ-ны ууган дипломатуудын нэг, Др. Проф. Г.Төмөрчулуун испани хэлнээ хөрвүүлж, хэвлүүлэв

Энэхүү эрхэмсэг сайхан уран зохиол нь Төвд, Монгол, Буриад, Тува зэрэг Төв Азийн олон ард тvмний дотор өргөн дэлгэрсэн. Энэ зохиол нь эртний Грекийн “Одиссей”, Английн “Робин Гуд”, Оросын “Игорь ван”, Испанийн “Мио Сид”, Францын “Ролланы дуулал”, Германы “Нибелүнгүүд” зэрэг бүтээлтэй эн зэрэгцэн очихуйц юм.

Гэсэрийн тууж нь олон боть бичмэл байхаас гадна, ардын vлгэрч, туульч нар “Гэсэрийн тууж”-ийн бvлгийг цээжээр дуулан хайлдаг байжээ. Монголын ард тvмний соёлын гайхамшиг єв болсон энэ зохиол анх 1716 онд модон бараар хэвлэгдсэн байдаг. Таван хошуу мал, тарвага, зурам, таанан цагаан гэр, нум сум, илд бамбай, эмээл, хазаар, чөдөр, тушаа, ааруул, ээзгий, аргал, хомоол зэрэг нь Монголчуудын амьдралын салшгүй хэсэг бөгөөд энэ бүхний тухай “Гэсэрийн тууж”- д өгүүлнэ.

Др.проф Г.Төмөрчулуун нь “Монголын нууц товчоо”-г 2004 онд анх Испани хэлнээ орчуулж Бүгд Найрамдах Куба Улсад 10 мянган хувь хэвлүүлсэн нь Латин Америкийн орнуудад түгэн дэлгэрэх эхлэл болсон юм.