“УЧИРТАЙ ГУРВАН ТОЛГОЙ” ДУУРЬТ ГОЛ ДҮР БҮТЭЭХ УРАН БҮТЭЭЛЧДИЙГ ШАЛГАРУУЛНА ОБЕГ: НИЙСЛЭЛД ШАР ӨВС ШАТСАН ДУУДЛАГА МЭДЭЭЛЭЛ НЭМЭГДЭХ ХАНДЛАГАТАЙ БАЙНА ГУДАМЖ, ТАЛБАЙН ЦЭВЭРЛЭГЭЭНИЙ ШИНЭ ТӨХӨӨРӨМЖИЙГ ХҮЛЭЭЛГЭН ӨГСӨН БАЙНА ӨНӨӨДРИЙН ЗАСГИЙН ГАЗРЫН ХУРАЛДААНААР 33 АСУУДЛЫГ ХЭЛЭЛЦЭНЭ ”СОЁОЛЖ”-ИЙН НҮХЭН ГАРЦААС ”НАРАНТУУЛ” ХУДАЛДААНЫ ТӨВ ХҮРТЭЛХ ЗАМЫГ ХААЖ ШИНЭЧЛЭНЭ

"Днепр" пуужин нэг дор 23 хиймэл дагуулыг тойрог замд орууллаа

2013 оны 11 сарын 25
0

Өнгөрсөн долоо хоногт ОХУ-ын "Роскосмос" агентлаг /Сансар судлалын/ "Днепр" пуужингаар гадаадын 23 хиймэл дагуулыг дэлхийн тойрог замд гаргалаа гэж мэдэгдсэнийг "Итар-тасс" агентлаг дамжуулжээ. 2013 оны арваннэгдүгээр сарын 21-нд Москвагийн цагаар 11:26 цагт Оренбургт байрладаг Ясный сансрын нислэгийн талбайгаас хөөрсөн гэжээ.

Эдгээр 23 хиймэл дагуул нь жижиг хэмжээтэй жин багатай бөгөөд хамгийн хүнд нь Эмиратын "ДубайСат-2" бөгөөд энэ нь ойролцоогоор 200 кг жинтэй. Бусад нь 10-150 кг юм байна. Шаталсан угсраа "ПС-20B" пуужингийн гаргах хиймэл дагуулуудын заримыг дурдвал, "DubaiSat-2" (АНЭ), "STSAT-3" (Өмнөд Солонгос), "UniSat-5" (Итали), "SKYSAT-1", "AprizeSat-7", "AprizeSat-8" (АНУ), "CubeSat nano-хиймэл дагуул" (Нидерланд). GOMX-1, WNISat, BRITE-PL (Торонтогийн сансар судлалын институт) гэх мэт.

Сонирхолтой нь эдгээр хиймэл дагуулуудыг ганцхан минутын дотор тойрог замд гарган байрлуулах юм байна. Эхнийх нь Москвагийн цагаар 11:25 тойрог замд оруулах бол сүүлийнх нь 11:26-д орох юм байна. ДубайСатыг 600 км-ийн зайд, бусдыг нь 900 км хүртлэх зайд байрлуулах гэнэ.

Арабын нэгдсэн Эмират улсын Шинжлэх ухааны технологийн институтын анхны хиймэл дагуул" ДубайСат" нь 2009 онд тойрог замд орж байжээ.

Энэ "Днепр" "ПС-20" пуужин нь Орос-Укрианы хамтын бүтээл бөгөөд 150 гаруй удаа хөөрч байжээ.