Муммийг хэрхэн хийдэг вэ?
- schedule 2018 оны 2 сарын 8
- chat_bubble 12
Египетийн Муммийн талаар нэлээдгүй баримтууд бий. Анхны муммиг Чили болон Перү улсын элсэн эрэгт амьдардаг байсан Чинчорро омгийн хүмүүс хийсэн. Хоёр мянган жилийн өмнөх анхны хийж байсан муммины зорилго нь үхэгсэдээ мөнхжүүлэх байв. Тэгэхдээ энэ нь зөвхөн дээдсийн зиндаанд бус тухайн омгийн бүх хүмүүст энэхүү зарчим үйлчилдэг байж. Эрдэмтэд Чинчоррогийн ард иргэдийн булш нь загасны дэгээ, загасны модон сэрээ, бусад ижил төстэй багажаар хийсэн гар урлалтай байсныг тогтоожээ. Үүнийг бүх булшинд хийдэг байсан бөгөөд бүх иргэд эрх тэгш гэснийг илэрхийлэх нэгэн хэлбэр байв. Харин Египетчүүд зөвхөн фараонд “мөнхийн амьдрал”-ыг өгсөн.
Чинчорро омгийн хүн ам нь 100 давдаггүй, Чили Перүгийн дунд зэрлэг байдлаар амьдардаг анчид байжээ. Дэлхийд 7000 жилийн өмнө Чинчоррочууд анх хиймэл мумми хийсэн байна.
Гэвч хүмүүсийг занданшуулах арга өдийг хүртэл оньсого хэвээр байгаа. Үүнээс үүдэн яагаад хүмүүсийг үхсэн болон амьдын хооронд болгосон бэ, ямар арга технологи ашигласан бэ гэх зэрэг олон асуулт гарч ирэх юм.
Энэхүү асуултыг тайлахад Сажама /Sajama/-гийн ойролцоох уулсын орой дахь цас тус болох юм. Учир нь судлаачид хүчил төрөгч болон изотопын харьцааг тодорхойлохын тулд тус уулын оройн цасыг судалгаа хийхдээ ашиглажээ. Судлаачид 7 000 жилийн өмнөх Атакама цөлийн чийглэгийг 3 000 жилийн өмнөхтэй нь харьцуулсан юм. Яг энэ цаг үед Чинчоррогийн хүн ам огцом нэмэгдэж байсныг архелогичид илрүүлжээ. Тухайн элс нь шарилыг хуурай, ялзруулахгүй байлгаснаар мумми болгодог байсан байна. Архелогичид хүн ам нь огцом өссөн тул элсэн цөл тэр чигтээ үхсэн цогцосоор дүүрсэн хэмээн дүгнэсэн. Чинчоррочууд занданшуулсан шарилыг тахин шүтдэг байсан байна.
Чинчоррочууд хүмүүсийг занданшуулахдаа биеэс нь бүх эд эс, эрхтэнг нь гаргаж оронд нь шавар хийдэг байжээ. Ийнхүү бие нь зөвхөн арьс мөн шавартай л үлддэг. Харин амыг нь үргэлж нээлттэй байлгадаг. Толгойг нь хиймэл үсээр чимж, арьсан дээр нь улаан будгаар зурах нь түгээмэл. Энэхүү үйл явц эртний Египетийн занданшуулах аргаас өөр боловч Чинчорро нараас уламжилсан болох нь илт юм.
Орчуулсан Б.БЭЛГҮҮН
Санал болгох
Сонин хачин
Уншиж байна ...