ТЦА-НААС АМРАЛТЫН ӨДРҮҮДЭД ТЭГШ, СОНДГОЙГООР ЗОРЧУУЛАХ САНАЛ ГАРГАЖЭЭ
- schedule 2023 оны 2 сарын 8
- chat_bubble 1
Тээврийн цагдаагийн албанаас ирэх амралтын өдрүүдэд автомашины улсын дугаарын сүүлийн орны тэгш, сондгойгоор ангилан зорчуулах санал гаргасан албан бичгийг Нийслэлийн Засаг дарга Д.Сумъяабазарт хүргүүлжээ. Хоёрдугаар сарын 1-ний өдөр гаргасан албан бичигт, сүүлийн таван жилийн судалгаагаар сар шинийн баярын өмнө орон нутгаас олон тооны машин нийслэлд ирж, замын хөдөлгөөний ачаалал 25-30 хувиар нэмэгддэг болохыг сануулсан байна. 2023 оны хоёрдугаар сарын 11-12 болон хоёрдугаар сарын 18-19-ний бямба, ням гарагт улсын дугаар тэгш, сондгойгоор ангилан зорчуулахыг хүссэн байна. Томоохон зах, худалдааны төвүүдэд цагийн зохицуулалт хийх зэрэг санал гаргаж, дэмжлэг үзүүлэхийг хүсжээ.
ТЦА-наас илгээсэн албан бичигт үндэслэн хотын дарга шийдвэр гаргасан эсэхийг НЗДТГ-ын Хэвлэл мэдээлэл, олон нийттэй харилцах хэлтсээс тодруулахад, "Одоогоор автомашины тэгш, сондгой дугаараар явуулах тухай шийдвэр гараагүй" гэж мэдэгдлээ.
Санал болгох
Сонин хачин
Уншиж байна ...