СҮҮЛИЙН 24 ЦАГТ 1,920 ХҮНЭЭС ХАЛДВАР ИЛЭРЧ, 15 ХҮН НАС БАРЛАА
- schedule 2021 оны 10 сарын 14
- chat_bubble 0
Эрүүл мэндийн яамнаас коронавируст халдварын талаарх цаг үеийн мэдээллийг өглөө.
2021 оны аравдугаар сарын 14-ний байдлаар Монгол Улсад коронавируст халдварын 1,920 шинэ тохиолдол бүртгэгдэж, 15 хүн нас барсан байна.
Өдрийн эдгэрсэн тохиолдлын тоо 6,085 болсон байна. Улаанбаатар хотод 1,053 орон нутагт 867 тохиолдол тус тус бүртгэгдсэн бол зөөвөрлөгдсөн тохиолдол бүртгэгдээгүй байна.
Нас барсан иргэдийн насны хувьд 21-40 насны 1, 41-60 насны 3, 61-80 насны 11 иргэн нас баржээ. Хүйсийн хувьд авч үзвэл 8 эмэгтэй, 7 эрэгтэй байгаа бол нас баралтын шалтгаан нь архаг хууч өвчтэй болон ковидын хавсарсан 15 нас баралт бүртгэгдлээ. Ингэснээр нийт нас баралт 1,424 боллоо.
Өнөөдрийн байдлаар хэвтэн эмчлүүлж байгаа 19,574 иргэн, хэвтэн эмчлүүлж буй 3,585 хүүхэд, хэвтэн эмчлүүлж буй 1,393 жирэмсэн эх эмчлүүлж байна. Мөн гэрийн хяналтад 56,069 иргэн байгаа юм.
Коронавируст халдвараар өвчилсөн өвчтөнүүдийн биеийн байдал:
- Хөнгөн: 10,177
- ,Хүндэвтэр: 6,827
- Хүнд: 2,210
- Нэн хүнд: 360 хүн эмчлүүлж байна.
ЭМЯ-наас “Иргэн Та амны хаалтаа тогтмол зүүж, дархлаа сэргээх нэмэлт тунд хамрагдсанаар өөрийгөө болон гэр бүлээ Ковид-19-ийн халдвараас хамгаална” хэмээн уриаллаа.
С.ГАНЦЭЦЭГ
Санал болгох
Сонин хачин
Уншиж байна ...