Өчигдөр 320 хүн шинээр тусгаарлалтад орж, долоон хүн гэрийн тусгаарлалтад шилжлээ

Эрүүл мэндийн яамнаас  ээлжит мэдээллээ хийлээ.  Манай улсын хувьд өчигдөр 320 хүн шинээр тусгаарлалтад орж, 7 хүн гэрийн тусгаарлалтад шилжин, одоогоор 3,690 хүн тусгаарлан ажиглалтад байна. Цэргийн төв эмнэлэгт байгаа 72 хүний хоёр нь эрчимт эмчилгээний тасагт байгаа юм байна.

"Есдүгээр сарын 2-ны өдөр улсын хэмжээнд нийт 354 хүнээс авсан сорьцод шинжилгээ хийхэд бүгдэд нь коронавирус илрээгүй.

Шинжилгээнд хамрагдсан хүмүүс нь,

1. Наймдугаар сарын 15-нд Сөүл-Улаанбаатарын онгоцоор ирсэн 267 хүний давтан шинжилгээ

2. ХӨСҮТ-д тусгаарлагдсан 1 хүний давтан

3. Сувилалд тусгаарлагдсан 8 хүний давтан

4. Тусгаарлан ажиглах байранд байгаа 37 хүний давтан

5 Тандалтын 4 хүн,

6. Увс аймагт тусгаарлагдсан 5 хүн,

7. Алтанбулагийн боомтоор орж ирсэн ачаа тээврийн 32 жолоочийн сорьцоос коронавирус илрээгүй байна.

Дэлхий нийтэд  өнгөрсөн 24 цагийн хугацаанд 245,000 хүн шинээр халдвар авч, 4,000 гаруй хүн эндсэн байна.

Манай хөрш ОХУ-д сүүлийн хоногт 4,962 хүн шинээр халдвар авч, 115 хүн эндлээ. Тус улсын хувьд өвчлөл, эндэгдэл тогтвортой өндөр хэвээр байна.

Харин БНХАУ-д 20 тохиолдол шинээр бүртгэгдсэний 11-г нь гадаад улс орноос зөөвөрлөгдсөн гэж үзжээ.

Япон улсад 592 хүн 24 цагийн хугацаанд халдвар авч 14 хүн эндсэн байна.

БНСУ-д 195 хүн шинээр халдвар авсны 7-г нь гадаад улс орноос зөөвөрлөгдсөн гэж үзжээ. Тус улсад сүүлийн 14 хоногт халдварын тохиолдол эрс нэмэгдэж байгаа юм. Тиймээс тэргүүлэх зэргийн тархвар судлаач эмч нарын зүгээс 10-аас дээш хүн цугларсан арга хэмжээ зохион байгуулахгүй байх, спортын тэмцээнээс татгалзахыг зөвлөж, Засгийн газартаа саналаа хүргүүлсэн байна.