Сургуулийн шинэ удирдлагууд дунд албан тушаал, эрх мэдлээ урвуулан ашиглагч байх ёсгүй

БСШУСЯ-ны дэргэдэх төрийн албаны салбар зөвлөлийн захиалгаар Төрийн албаны зөвлөлөөс хэд хэдэн сургуулийн захирлын албан тушаал дээр сонгон шалгаруулалт зарлажээ. Шалгаруулалтад материал хүлээн авах хугацаа энэ сарын сүүлээр дуусах юм байна.  

Энэ удаад ерөнхий боловсролын лаборатори 12 сургууль, ерөнхий боловсролын гурван тусгай сургууль, цэцэрлэг, соёл, урлагийн салбарын  есөн байгууллагын захирлуудыг сонгон шалгаруулж томилох юм байна. Сонгон шалгаруулалтад тавигдах болзол нь ижил. Үүнд,  Монгол Улсын иргэн байх, Эрүүгийн хуульд заасан авлига, албан тушаалын гэмт хэрэг үйлдэж шүүхээр ял шийтгүүлж байгаагүй байх, сэтгэцийн өвчин, эмгэггүй байх, албан тушаалын тодорхойлолтод заасан шаардлагыг хангасан байх гэх мэт.

Харин сонгон шалгаруулалтын албан тушаалын тодорхойлолтод заасан шаардлагыг тодорхой захиалгатайгаар хүнд нь тохируулан боловсруулдаг гэсэн хардлага бий. Үүнийг үгүйсгэх аргагүй. Энэ асуудал олон нийтийн санааг зовоож байна. Учир нь энд нэг биш нэлээд сургуулийн удирдлагыг сонгон шалгаруулалтаар солих гэж байгаад байгаа  юм.

Төрийн албаны зөвлөлд алдах эрх байхгүй гэдгийг хаана хаанаа санах хэрэгтэй. Хэн нэгэн өндөр албан тушаалтны шахаанд орж, сонгон шалгаруулалтын дүнд нөлөөлөхийг үгүйсгэхгүй. Ийм томилгоо үргэлж сөрөг үр дагаврыг авчирдгийг  хаана хаанаа санахад гэмгүй. Албан тушаал, эрх мэдлээ урвуулан ашиглаж улсыг хохироосон, хээл хахууль авч багш ажилтныг ажилд авдаг, түүнчлэн харъяаллын бус хүүхдийг сургуульдаа элсүүлэхдээ их хэмжээний мөнгө авдаг нь баримтаар нотлогдсон олон хэргүүд бий. Энэ тухай мэдээлээд, олон нийтээр хэсэг шуугиад л өнгөрөх бус харин хүлээлгэсэн хариуцлага, энэ албан тушаалд томилсон эрх мэдэлтэнд хариуцлага тооцдог болох шаардлага гарч байна.  Энэ талаар ярих цаг нь болсон.

Бүхэл бүтэн байгууллага удирдах хүнд сонгон шалгаруулалтын шаардлага хэсгийн “туршлага” заалтад “мэргэжлээрээ үндсэн орон тоон дээр 10-аас доошгүй жил ажилласан байх, дээр нь тухайн салбарт удирдах албан тушаалыг 5-аас доошгүй жил  хашсан байх” гэсэн заалт бий. Ажилласан жилийн туршлага чухал хэдий ч тухайн орон тоон дээр шилдэг ажилтан нь байж чадсан эсэхийг нарийн шалгаж үзэх шаардлагатай санагдана. Сургууль сургууль дажсан, улсыг эдийн засгийн хувьд удаа дараа хохироосон, ёс зүйгүй, харьцаа муутай, албан тушаал, эрх мэдлээ урвуулан ашиглагч байх ёсгүй. Тийм биш гэдгээ нотлох л хэрэгтэй.  Ингэснээр зөв сонгон шалгаруулалт, зөв томилгоо болох бус уу?  

Ингээд ямар сургуулийн захирлын албан тушаал дээр сонгон шалгаруулалт зарласныг одоо харцгаая.

Ерөнхий боловсролын лаборатори сургууль

Дорноговь аймгийн Замын-Үүд сумын ерөнхий боловсролын лаборатори сургуулийн захирлын албан тушаалын сонгон шалгаруулах,

Өвөрхангай аймгийн ерөнхий боловсролын лаборатори “Мэргэд” сургуулийн захирлын албан тушаалын сонгон шалгаруулах,

Увс аймгийн ерөнхий боловсролын лаборатори “Шинэ ирээдүй” цогцолбор сургуулийн захирлын албан тушаалын сонгон шалгаруулах,

Хөвсгөл аймгийн ерөнхий боловсролын лаборатори "Эрдмийн далай" цогцолбор сургуулийн захирлын албан тушаалын сонгон шалгаруулах,

Завхан аймгийн ерөнхий боловсролын лаборатори “Чандмань-Эрдэнэ” цогцолбор сургуулийн захирлын албан тушаалын сонгон шалгаруулах,

Нийслэлийн ерөнхий боловсролын лаборатори 23 дугаар сургуулийн захирлын албан тушаалын сонгон шалгаруулах,

Нийслэлийн ерөнхий боловсролын лаборатори 71 дүгээр сургуулийн захирлын албан тушаалын сонгон шалгаруулах,

Нийслэлийн ерөнхий боловсролын лаборатори 141 дүгээр сургуулийн захирлын албан тушаалын сонгон шалгаруулах,

Нийслэлийн ерөнхий боловсролын лаборатори 142 дугаар сургуулийн захирлын албан тушаалын сонгон шалгаруулах,

Нийслэлийн ерөнхий боловсролын лаборатори 14 дүгээр сургуулийн захирлын албан тушаалын сонгон шалгаруулах,

Нийслэлийн Багануур дүүргийн ерөнхий боловсролын лаборатори "Боловсрол" цогцолбор сургуулийн захирлын албан тушаалын сонгон шалгаруулах,

Баян-Өлгий аймгийн ерөнхий боловсролын лаборатори 2 дугаар сургуулийн захирлын албан тушаалын сонгон шалгаруулах,

 Ерөнхий боловсролын тусгай сургууль, цэцэрлэг

Нийслэлийн ерөнхий боловсролын 116 дугаар тусгай сургуулийн захирлын албан тушаалын сонгон шалгаруулах,

Нийслэлийн ерөнхий боловсролын 29 дүгээр тусгай сургуулийн захирлын албан тушаалын сонгон шалгаруулах,

Нийслэлийн 186 дугаар тусгай цэцэрлэгийн эрхлэгчийн албан тушаалын сонгон шалгаруулах.

Соёл, урлагийн салбарын байгууллага

Богд хааны ордон музейн захирлын албан тушаалын сонгон шалгаруулах,

Дэлхийн өв-Орхоны хөндийн соёлын дурсгалт газрын хамгаалалтын захиргааны даргын албан тушаалын сонгон шалгаруулах,

Улсын хүүхэлдэйн театрын захирлын албан тушаалын сонгон шалгаруулах,

Монголын театрын музейн захирлын албан тушаалын сонгон шалгаруулах,

Монголын уран зургийн галерейн захирлын албан тушаалын сонгон шалгаруулах,

Дуурь бүжгийн эрдмийн театрын захирлын албан тушаалын сонгон шалгаруулах,

Монгол Улсын Үндэсний номын сангийн захирлын албан тушаалын сонгон шалгаруулах,

Хархорум музейн захирлын албан тушаалын сонгон шалгаруулах,

Хөшөө цайдам музейн захирлын албан тушаалын сонгон шалгаруулах.

Шинжлэх ухааны салбарын байгууллага

“Шинжлэх ухааны паркийн захиргаа” шинжлэх ухаан, технологи, үйлдвэрлэлийн нэгдлийн захирлын албан тушаалын сонгон шалгаруулах.