ЗГХЭГ-ын дарга Л.Оюун-Эрдэнийн өвчин хордлого гэхээсээ илүүтэй тулай өвчинтэй төстэй санагдлаа
- schedule 2019 оны 5 сарын 3
- chat_bubble 1
ЗГХЭГ-ын дарга Л.Оюун-Эрдэнэ хоолны хордлогод орж, хордлого тайлах эмчилгээ хийлгэхийн сацуу хордлого нь даамжран хөл рүү нь орж, идээт үрэвсэл үүссэн талаар өөрөө мэдээлсэн. Тэгэхдээ түүний өвчин хордлого гэхээсээ илүүтэй тулай өвчинтэй төстэй санагдлаа. Энэ өвчний гол шинж тэмдэг нь хөл өвдөх. Тэр дундаа хөлийн хуруу. Тулай өвчин нь шээсний хүчлийн давс үеэнд хуримтлагддаг үений өвчин юм. Мөн артерийн даралт ихсэх, чихрийн шижин, удамшлын урьдчилсан хүчин зүйл, хооллолтын хямрал зэргээс үүддэг. Энэ өвчин нь хуруу, сарвуу, тохой, өвдөг, шагай ба тавхай гээд ямар ч үеийг гэмтээж болно. Ихэвчлэн хөлийн хурууны үеүүдийг гэмтээдэг. Өвдсөн тохиолдолд өглөө үүрээр болон шөнө дундын цагаар аль нэг талын хөлийн эрхийн хуруу гэнэт маш хүчтэй өвдөх, улайж хавдах эхний шинж тэмдгээр илэрдэг. Учир нь шээсний хүчил нь үений хөндийд ороод талст үүсгэчихдэг. Энэ талстыг уратын давс гэдэг бөгөөд яг зүү шиг хэлбэртэй байдаг. Бусад эрүүл эрхтнээ зүүгээр хатгаж буй мэт өвтгөдөг гэсэн үг.
Харин яагаад хөлийн эрхийн хуруу өвдөнө гэж...? Гар байж болно шүү дээ. Гэтэл гар бол байнгын хөдөлгөөнд оршдог. Харин хөлийн хуруу гутал дотор байнгын хөдөлгөөнтэй байж чаддаггүй. Бидний нэрлэж сурснаар эрхий хуруу буюу нэгдүгээр хуруу хамгийн том зайтай.
Тиймээс зүү шиг хэлбэртэй уратын давсны талст нь их хэмжээгээр хуримтлагдах боломжтой эрхий хурууг сонгодог гэж энгийнээр тайлбарлаж болно.
Алсдаа бусад олон үенүүд, бөөрийг гэмтээх өндөр магадлалтай болгоно. Тиймээс биед тунаад байгаа шээсний хүчлийг үенд очиж тунах, бөөрөнд очиж чулуу үүсгэхээс өмнө урьдчилан сэргийлэхийн тулд эмчийн хяналтанд орж, эмчилгээг хийлгэж эхлэх нь зүйтэй.
Санал болгох
Сонин хачин
Уншиж байна ...