Жилд дөрвөн тэрбум төгрөгийн төсөвтэй МҮХАҮТ-ыг О.Амартүвшин удирдана
- schedule 2019 оны 3 сарын 1
- chat_bubble 0
МҮХАҮТ-ын ээлжит 20 дугаар их хурал энэ сарын 28-нд болов. Уг хурлаар ирэх дөрвөн жилд танхимыг удирдах хүн тодрох юм. Танхимын ерөнхийлөгчид дөрвөн хүн албан ёсоор нэр дэвшсэн юм. Тодруулбал, МҮХАҮТ-ын одоогийн ерөнхийлөгч Б.Лхагважав, CEO клубийн ерөнхийлөгч, “Ард санхүүгийн нэгдэл”-ийн гүйцэтгэх захирал Ч.Ганхуяг, UFC группийн ТУЗ-ийн дарга О.Амартүвшин, БНН-ын дарга Б.Жаргалсайхан нар.
МҮХАҮТ-ын ерөнхийлөгч Б.Лхагважав нь “Урбанек” компанийн үүсгэн байгуулагч, “Үндэсний соёмбо” хөдөлгөөний тэргүүн, МАН-ын гишүүн юм. Тэрбээр 2014 оны МҮХАҮТ-ын их хурлаар олонхын санал авч, дөрвөн жил удирдаж байгаа юм.
“UFC” группийн ТУЗ-ийн дарга О.Амартүвшин нь танхимтай 20 орчим жил хамтран ажиллаж байгаа бөгөөд МҮХАҮТ-ын ерөнхийлөгчид хоёр дахь удаагаа өрсөлдөж байгаа. Тэрбээр ерөнхийлөгчөөр сонгогдвол танхимыг маш том судалгааны институц болгож, стратеги судалгаа хийдэг, зах зээлээ судалдаг, эдийн засгийн орчноо танддаг байгууллага болгох зорилт тавьсан.
Харин "Ард санхүүгийн нэгдэл”-ийн гүйцэтгэх захирал Ч.Ганхуягийн тухайд нийгэм, эдийн засгийн ийм тааламжгүй үед бизнесийн төлөөллийн гол байгууллага болох МҮХАҮТ хувийн хэвшлийн нийтлэг эрх ашгийг хамгаалж, дуу хоолойгоо гаргах тал дээр хойрго хандан оновчтой, үр дүнтэй арга хэмжээ авч чадахгүй байна. Тиймээс МҮХАҮТ-ын ерөнхийлөгчийн сонгуульд өөрийн туршлагатай, чадварлаг багийн хамт оролцоно” гэдгээ мэдэгдээд байгаа.
БНН-ын дарга Б.Жаргалсайхан өөрийн мөрийн хөтөлбөрөө нууцлан байж өрсөлдсөн.
МҮХАҮТ-ынхөн шөнө дөл болтол хуралдаж, шинэ ерөнхийлөгчөө сонголоо. Ийнхүү ээлжит 20-р их хурлаар бизнесийн гялалзсан түүхтэй, Улаанбаатар хотын худалдааны танхимын гүйцэтгэх захирлаар ажиллаж байсан UFC группийн эзэн О.Амартүвшинг МҮХАҮТ-ын Ерөнхийлөгчөөр сонгогдлоо.
Санал болгох
Сонин хачин
Уншиж байна ...