З.Баянсэлэнгийн төрийн албанд ажиллах эрхийг 3 жилийн хугацаагаар хасчээ
- schedule 2018 оны 8 сарын 21
- chat_bubble 0
Албаны эрх мэдэл буюу албан тушаалын байдлаа урвуулан ашигласны улмаас улсын төсөвт 972.448.955 төгрөгийн хохирол, хүнд хор уршиг учруулсан гэмт хэрэг үйлдсэн гэмт буруутайд тооцож шүүгдэгч Цагаан овогт Зангадын Баянсэлэнгэ, Боржигон овогт Миеэгомбын Болортуяа нарт зохих ял шийтгэл оногдууллаа.
УИХ-ын гишүүн, Барилга хот байгуулалтын сайд асан З.Баянсэлэнгэ хэргээ хүлээн зөвшөөрч шүүхээс ялын хэмжээг бууруулж торгох ял болгож өгнө үү гэж хүссэн учраас 2002 оны Эрүүгийн хуулийн тусгай ангийн 263 дугаар зүйлийн 2 дахь хэсэгт зааснаар З.Баянсэлэнгийн төрийн албанд ажиллах эрхийг 3 жилийн хугацаагаар хасч, хөдөлмөрийн хөлсний доод хэмжээ 192.000 төгрөгийг 100 дахин нэмэгдүүлсэнтэй тэнцэх хэмжээ буюу 19.200.000 төгрөгөөр торгох, М.Болортуяаг төрийн албанд ажиллах эрхийг 1 хугацаагаар хасч, гэмт хэрэг үйлдэгдэх үеийн хөдөлмөрийн хөлсний доод хэмжээ 192.000 төгрөгийг 51 дахин нэмэгдүүлсэнтэй тэнцэх хэмжээ буюу 9.792.000 төгрөгөөр торгох ялаар тус тус шийтгэжээ.
З.Баянсэлэнгийг Эрүүгийн хуулийн 22.1.3-д зааснаар эрх мэдэл, албан тушаалын байдлаа урвуулан ашигласан хэмээн үзэж 223 ахмад настнуудыг дулаан орон сууцанд өвөлжүүлэх 1 жилийн түрээсийн мөнгө болох 980 сая төгрөгийг буцаан төлж улсыг хохиролгүй болгох, “Бэрэн групп” ХХК-д улсаас олгосон 15 тэрбум төгрөгийг буцааж өгөхийг тогтоолд үүрэгдэв. З.Баянсэлэнгэд шүүхээс гаргасан дээрхи тогтоолыг давж заалдах 15 хоногийн хугацаа байгаа ч тэрээр шүүх хурлын үеэр гэм буруугаа хүлээсэн учир шүүх энэрэнгүй хандаж түүнд хорих ял бус торгох ялыг оногдуулсан юм. Мөн "Бэрэн групп" ХХК-иас 972.448.955 төгрөгийг гаргуулж улсын орлогод оруулахаар шийдвэрлэсэн байна.
Санал болгох
Сонин хачин
Уншиж байна ...