Под станц дэлбэрснээс нэг эмэгтэй нас барж, хоёр хүүхдийн биеийн байдал тааруу байна

Нийслэлийн Сүхбаатар дүүргийн 11-р хороо, Алтай 28-р гудамжинд байрлалтай цахилгаан хуваарилах байгууламжийн ойролцоо гурван хүн түлэгдсэн ноцтой осол гарсан талаар бид өмнө нь мэдээлж байсан билээ.

Хэрэг явдлыг сөхвөл өнгөрсөн тавдугаар сарын 25-нд 16.05 цагийн орчимд цахилгаан хуваарилах байгууламжид 25 настай бүсгүй хоёр бага насны эрэгтэй хүүхэд дагуулаад санамсаргүй орсон байсан. Энэ үед гэнэт цахилгаан буудсанаас болж гурвуулаа түлэгдсэн. Одоогоор уг ослын талаар мэргэжлийн байгууллагын дүгнэлт хараахан гараагүй байна. Хэргийг Сүхбаатар дүүргийн цагдаагийн хоёрдугаар хэлтэст шалгаж байгаа юм. Харин түлэгдэж гэмтсэн хүүгийн биеийн байдал тааруу байгаа юм байна. Хүүгийн нүүрний хаван буусан ч нүд нь өнгө ялгахгүй бүрэлзэж байгаагаас үүдэн хагалгаа хийх хугацааг нь хойшлуулаад байгаа юм байна. Одоогийн байдаар хүү гэртээ эмчлүүлж байгаа юм. Учир нь анартөгс хүүгийн ээжид эмч нар орчноо солиод үзэх хэрэгтэй гэж зөвлөсөн байна. Гэхдээ удахгүй эргээд эмнэлэгтээ хэвтэх юм байна. Мөн хүү өвчин намдаах эмийг байнга их хэмжээгээр хэрэглэж байж түр унтдаг болсон байна. Харин уг болсон үйл явдлыг талаар алтантөгс хүү ийнхүү ярилаа.

Гаднын хүн орохыг хориглосон аюултай объектын хаалга яагаад онгорхой байсан бэ гэх асуулт урган гарч байна. Иймд бид тус дэд станцыг барьсан 'Мон-Энержи Корпораци' ХХК компанитай болсон хэрэг явдлын талаар тодруулах гэсэн боловч хариулах эзэн олдсонгүй. Тус компанийн зүгээс бид “Нийслэлийн хот төлөвлөлтийн ерөнхий газарт 2017 оны наймдугаар сарын 31-ны өдөр тус дэд станцыг хүлээлгэн өгсөн” гэсэн хариулт хэллээ. Харин уг дэд станцыг хүлээн авсан гэх асуудал Нийслэлийн хөрөнгө оруулалтын газарт харьяалагддаг ажээ. Биднийг очих үеэр тус газрын хэлтсийн дарга гадуур ажилтай тул яриа өгөх боломжгүй гэсэн тайлбар өглөө. Бид энэ асуудлыг эргэн мэдээлэх болно.

Эх сурвалж: "NTN телевиз"