Махны үнэ алгуурхан өсч байна
- schedule 2018 оны 4 сарын 20
- chat_bubble 0
2018 оны 4-р сарын 18-ны байдлаарх хүнсний гол нэрийн барааны үнийг танилцуулъя.
Махны дундаж үнэ: Ястай махны үнэ өмнөх сараас 12.7 хувь, үхрийн ястай махны үнэ 10.3 хувь, үхрийн цул махны үнэ 11.2 хувь, адууны ястай махны үнэ 7.6 хувь, ямааны махны үнэ 6.7 хувиар өссөн байна. Өмнөх 7 хоногтой харьцуулахад хонины ястай махны үнэ 2.5 хувь, үхрийн ястай махны үнэ 4.0 хувь, үхрийн цул махны үнэ 11.2 хувиар өссөн бол адууны махны үнэ өөрчлөлтгүй байна. Харин ямааны махны үнэ 9.7 хувиар буурсан байлаа. 2018 оны 4-р сарын 18-ний байдлаар 1 кг хонины /ястай/ мах дунджаар 7360 төгрөг, үхрийн /ястай/ мах 8525 төгрөг, үхрийн цул мах 10320 төгрөг, адууны /ястай/ мах 6075 төгрөг, ямааны /ястай/ мах 5000 төгрөгийн үнэтэй байв.
Гурилын үнэ: Савласан дээд гурилын үнэ өмнөх сараас болон өмнөх 7 хоногтой харьцуулахад 1-р зэргийн задгай гурилын үнэ 0.9 хувиар буурсан бол бусад гурилын үнэ өөрчлөлтгүй байна.
Будаа, элсэн чихрийн дундаж үнэ: Цагаан будааны үнэ өмнөх сар болон өмнөх 7 хоногийнхтой харьцуулахад 0.7 хувиар өссөн байна. Элсэн чихрийн үнэ өмнөх сар болон өмнөх 7 хоногийнхоос 1.1 хувиар өссөн байна.
Төмс, хүнсний ногооны дундаж үнэ: Төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ 5.9 хувь, хүрэн манжингийн үнэ 23.0 хувь, луувангийн үнэ 19.5 хувь, байцааны үнэ 10.9 хувь, сонгины үнэ 4.6 хувиар өссөн байна. Өмнөх 7 хоногийнхоос төмсний үнэ 1.9 хувь, хүрэн манжингийн үнэ 3.6 хувиар буурсан бол луувангийн үнэ 10.5 хувиар өссөн байна.
Сүү, өндөг, ургамлын болон цөцгийн тосны дундаж үнэ: Сүүний үнийг өмнөх сарынхтай харьцуулахад савласан /1 литрийн/ сүүний үнэ 1.9 хувь, “элекстер” /0.5 литрийн/ сүүний үнэ 1.7 хувиар өссөн бол задгай сүүний үнэ өөрлөлтгүй байлаа. Өмнөх 7 хоногийнхтой харьцуулахад савласан /1 литрийн/ сүүний үнэ 0.5 хувиар буурч, “элекстер” /0.5 литрийн/ сүүний үнэ 0.4 хувиар өссөн байна. Ургамлын тосны үнэ өмнөх сараас болон өмнөх 7 хоногоос өөрчлөлтгүй байгаа бол цөцгийн тосны үнэ өмнөх сараас 4.9 хувь, өмнөх 7 хоногийнхоос өөрчлөлтгүй байлаа.
Санал болгох
Сонин хачин
Уншиж байна ...